Nel mes d'avientu echa a andar el Serviciu de Normalización Llingüística (SNL) de la Mancomunidá del Sueve, el primeru na zona oriental, que va atender a los conceyos de Piloña, Parres y Caravia. La oficina va tar na Casa la Cultura de L'Infiestu y al frente d'ella va tar la esperta en Llingua Asturiana Paula Cristóbal Caso, tal como s'informó dende'l Conceyu de Piloña.

El SNL, qu'abre con una inversión inicial de 12.000 euros, va facer por fomentar l'usu del asturianu ente la población a traviés de programes y actividaes culturales, según adelantó esti branu la directora xeneral de Política Llingüística, Consuelo Vega, na presentación d'esta infraestructura cultural.

(de Les Noticies, 23-11-2009)