La XDLA denuncia «l'arrequexamientu» del asturianu nes campañes de promoción del Conceyu de Xixón
La Xunta pola Defensa de la Llingua Asturiana (XDLA) quier denunciar «l'arrequexamientu de la llingua asturiana» nes campañes de promoción llevaes alantre pol Conceyu de Xixón.
Según esti colectivu, esta situación «non solo incumple» lo previsto na Ordenanza Municipal sobre l'usu de la Llingua Asturiana, sinón que tamién incumple «cola toponimia oficial aprobada cuantayá pol Conceyu y pol Gobiernu asturianu».
Campañes como Gijon de Sidras, destinaes, «figurámonos», a la promoción turística y del sector hosteleru de la sidra, «asalten ámbitos d'usu del asturianu onde l'idioma mantién una presencia fuerte y normalizadora pa sustituír por una terminoloxía ayena y más averada a otres cultures como la del vinu», aseguren dende la XDLA.
El colectivu entiende que l'arrequexamientu de la llingua asturiana nestes campañes «non solo ye un fechu qu'hai que denunciar no qu'afecta al usu del idioma n'espacios públicos, sinón tamién no negativo que ye p'aquellos productos que se quieren promocionar porque-yos quiten el valor d'especificidá qu'aporta l'idioma propiu y les palabres coles que'l nuestru pueblu nomó y identificó esos productos».
Polo tanto, la XDLA va volver a proponer al gobiernu del Conceyu de Xixón qu'afite «les midíes previstes na Ordenanza Municipal sobre l'Usu de la Llingua Asturiana, y que se dean a la Oficina de la Llingua capacidaes tresversales pa poder llevar alantre un llabor efectivu, xeneralista y non sectorizáu de visualización y usu del asturianu».
(de Les Noticies, 28-10-2009)
Tags: Xunta+pola+Defensa+de+la+Llingua+Asturiana Conceyu+de+Xixón
Esbilla | 
del.icio.us
Toi bien fartucu d'esta xente de la Xunta. Ta bien criticare las posiciones a la escontra del asturianu, poro, hai que ser bien claru: Irquierda Xunida ta metía nesti gobiernu ya son responsables del desaniciu de la nuesa llingua ya cultura. ¿Pa cuándo van dicir las cousas claras?
¿Tan amordazaos por IX? Si se ia una organización cultural ya ensin intereses políticos que las críticas seyan sensatas ya non hipócritas.
Na Xunta siempre fueron mui d'Izquierda Xunida, y dalgunu como Xune Elipe ye cliente del psoe, por eso nun vos estrañe que nun critiquen nin a políticos nin a polítiques globales del asturianu de los partíos IX nin del PSOE. ´Sólo critiquen cosuques mui puntuales como se prueba nesti mensaxe como criticar el cartelin de la sidrina perequí o criticar esa otra campaña perallá, pero criticar a les organizaciones como IX o psoe, ESO NUNCA!!, pero si pertenecen a elles!!!! cómo les van criticar... el fruleru engañabobos del Churruca pa ellos ye un Santu varón.
Tas un poco atrasáu, winipeg, hai tiempu que la xunta ta tomada dafechu por xente de la UNA. Les persones d'Andecha y Bloque fueron marchando a los conceyos o, simplemente, colando de la xunta.