El vienres 16 d'ochobre, a les 19.30 hores, la Biblioteca de Bidebarrieta de Bilbao acueye un recital de poesía onde van lleer dalgunes de les más destacaes voces poétiques hispániques del momentu.

Asina, van recitar los sos versos el valencián Carlos Marzal, l'andaluza Ana Rossetti, la hispano-belga Chatall Maillard, l'aragonés Manuel Vilas, el vascu Kirmen Uribe, la gallega Olga Novo, l'asturianu Xuan Bello y la catalana Laia Noguera. Esti recital inscríbese dientro de la programación de la X edición del Bilbaopoesía, un eventu cultural que cuenta yá con una trayectoria internacional bien llarga. Esti recital, precisamente, concíbese como un homenaxe-resume a la Selmana de la Poesía en Bilbao, porque tolos autores yá participaren n'ediciones anteriores.

(de Les Noticies, 15-10-2009)