La Conceyalía de Cultura y Deportes del Conceyu de Tinéu, en collaboración cola Conseyería de Cultura, convoca'l XII Certame Lliterariu César Feito, abiertu a la participación de tolos escolinos del conceyu. Nel concursu pueden presentase un máximu de dos trabayos orixinales, qu'han tar escritos n'asturianu.

La estensión máxima de los rellatos ye d'ocho folios y establécense delles categoríes pa los participantes: hasta los 9 años, ente los 10 y los 13, y ente 14 y 16 años. Los premios van consistir nun llote de llibros y material didáctico en soporte informáticu y el xuráu van formalu tres escritores vinculaos col occidente asturianu.

La entrega de premios va facese'l día 11 d'avientu nel Cine Marvi de Tinéu y el plazu pa entregar les obres acaba'l 20 de payares. Los orixinales recuéyense nes Cases de Cultura de Tinéu y Navelgas.

(de Les Noticies, 13-10-2009)