El martes 13 d'ochobre a les 12:00 hores va presentase na sede de la Conseyería de Cultura y Turismu del Principáu d'Asturies el I Festival del Llibru Infantil y Xuvenil.

Esta primer edición del Festival, organizada pola Conseyería de Cultura y Turismu en collaboración cola Mancomunidá de la Comarca de la Sidra y el Gremiu d'Editores d'Asturies, va desarrollase en Villaviciosa del 15 al 18 d'ochobre y con él búscase que los neños y neñes y les sos families puedan acercase al mundu de la lliteratura infantil y xuvenil pero tamién que los profesionales del sector tengan a la so disposición un panorama del estáu actual de la lliteratura fecha n'Asturies pa la xente mozo.

(de la Dirección Xeneral de Política Llingüística, 09-10-2009)