El martes 6 d'ochobre, a les 18:00 hores, desarrollóse l'apertura del cursu d'Estensión Universitaria "Metodoloxía del trabayu de campu en dialectoloxía, toponimia y cultura popular" na Facultá de Filoloxía de la Universidá d'Uviéu cola asistencia de Consuelo Vega Díaz, Directora Xeneral de Política Llingüística, Ramón d'Andrés Díaz, coordinador del Seminariu de Filoloxía Asturiana, y Fernando Álvarez-Balbuena, director del cursu.

Esta ye la tercer edición d'un cursu que, organizáu pol Seminariu de Filoloxía Asturiana en collaboración cola Dirección Xeneral de Política Llingüística, ta dirixíu a estudiantes de Filoloxía, Xeografía, Historia, Socioloxía y Antropoloxía y que busca introducilos nes técniques básiques d'investigación de campu en disciplines como la dialectoloxía, la investigación toponímica, la sociollingüística, la historia oral, la historia del paisaxe, l'antropoloxía y los estudios de lliteratura oral.

(de la Dirección Xeneral de Política Llingüística, 07-10-2009)