La sesta temporada de «Camín de cantares» adiéntrase peles tierres de Llión y Senabria
M.B.
El sábadu 3 d'ochobre, a la una de la tarde, Camín de cantares vuelve a la programación de la Televisión del Principáu d'Asturies (TPA). La serie producida por Ámbitu Audiovisual, dirixida por Ramón Lluís Bande y inspirada nel Archivu de la Tradición Oral de Xosé Antón Fernández Ambás -que conduz caún de los capítulos- llega a la sesta temporada convertida nún de los mayores éxitos d'audiencia de la canal autonómica y considerada unánimemente como ún de los cumales de la cultura del país nestos últimos años. En llinies xenerales, la serie mantiénse fiel a lo que yá conocen los espectadores, polo menos no que tien que ver cola estructura: los capítulos -trece en total- van siguir la mesma estructura tripartita qu'inclúi una entrevista d'Ambás con cada informante, una interpretación de dellos cantares tradicionales al cargu d'estos y una reellaboración d'úna d'eses mesmes canciones fecha por un grupu asturianu del momentu. Sicasí, ello nun quier dicir que la temporada nueva venga ensin novedaes no que tien que ver col conteníu. Y ye que, pela primer vez, en dellos capítulos la serie dexa atrás les fronteres d'Asturies p'averase a los territorios de Llión y Zamora.
El primer episodiu d'esta temporada tien como protagonistes a cuatro hermanes de Cortes (Quirós) -Presentina, Isolina, Teresa y Josefa-, que van protagonizar un episodiu centráu na pandereta y la voz y que van ver una de les pieces qu'interpreten reellaborada -como ye tradición en cada estrena de ciclu de Camín de cantares- pol grupu Tuenda, que lidera'l mesmu Ambás. Sicasí, la principal novedá tien que ver, como diz el director, Ramón Lluís Bande, con que «ye la primer vez que la serie sal de los límites alministrativos d'Asturies pa grabar capítulos n'otros territorios de la mesma área cultural, como Llión o Senabria, en Zamora». Bande esplica qu'ésa «yera una idea que teníemos na cabeza yá dende la primer temporada, porque más allá de les fronteres alministratives actuales del país lo que nos interesaba yera facer un retratu lo más exactu posible de la nuestra cultura popular, que, como bien se sabe, nun entiende de rayes polítiques». «La música tradicional de Llión, Senabria o Miranda del Douro», añade, «tien tanto que ver cola nuestra identidá cultural colectiva como la de Cangas, Grau o Llangréu. Entendemos que ye mui interesante pa los espectadores asturianos ver esta realidá y reconocese culturalmente nella».
(de Les Noticies, 02-10-2009)
Tags: Televisión+del+Principáu+d'Asturies Ámbitu+Audiovisual Ramón+Lluís+Bande Xosé+Antón+Fernández Ambás
Esbilla | 
del.icio.us
Y a la Llébana non? paez que tienen perceguera al Altu Deva. Colo guapes que son les tonaes de Potes y lo bien que-y dan ellí a la pandereta. Como s'enteren los del Conceyu Xoven lleonés creo que van echalos a pataes. Pues que vayan a Miranda y s'enteren qu'ellí la llingua sí ye oficial.
Si vas a Miranda vas ver in situ que lo del Mirandes mengua muncho. Nin tanto se fala, nin tanto se publica, nin tanto se visualiza, y solo "se reconoz oficialmente" qu'esiesti esi idioma.
Y pa los de Llébana, que los graben los de TeleMadrid, TeleCastilla o Castilla-La Mancha Televisión...
http://www.llinguallionesa.net/index.php/Sendero_de_canciones
¡¡¡¡¡Por Dios!!!!!
Pues meyor que s'ocupen de les Asturies de verdá, les históriques del Eo al Miera y dexen en paz a otros territorios. N'Asturies prohiben les emisiones n'asturianu y na meseta van d'imperialistes.
Ambasín yes la Marisol del réxime arecista.
Qué si Conan, que sí. Tu a lo tuyo.
Ta visto que nun saben del asturl.lionés d'Asturias, nin del de L.lión nin de castel.lano. Amás de tar mal escrita a rabiar esa entrada, en l.lionés nun seiría "Caminu de Cantares" nin la traducción al castel.lano seiría "Sendero de canciones". Tán guapos...
Asoniu viendo los tos comentarios dame pena del to despreciu a la recuperación de la tradición oral d'Asturies y d'otres tierres vecines y hermanes culturalmente como la lleonesa o la zamorana, nun me dexa mal cuerpu que me llames la Marisol, déxame mal cuerpu que nun deas la cara como yo la toi dando pola cultura y la identidá d'Asturies. Equí toi pa falar contigo si tienes los coyones de dar la cara o'l focicu y onque desprecies el nuesu trabayu seguiremos trabayando pq merezlo Asturies y non pollinos como tú. Xosé Ambás.
Bono, pos lo de Camín de Cantares na llionpedia ta arregláu.
Agora que los alministradores de la llionpedia, que tán a sueldu del erariu públicu, bien podían mover un deu contra vandalismu, ya que patrullan... pa dalgunas cousas.
Respecto d'Ambás, lo cierto yía que.... YES UN PUTU GRANDE.
Salú
(Dígolo en sentíu de respetu ya almiración)
Nun t'esmuelas pola Llionpedia, quéda-y tan pouco cumo al sou amu:
http://www.diariodeleon.es/noticias/noticia.asp?pkid=482489
http://www.diariodeleon.es/noticias/noticia.asp?pkid=482646
Gracies Ambás pol to llabor, pol to amor a esti país, Asturies, y cuido que pocu a pocu sedrá reconocíu'l to trabayu y anque nun lo seya oficialmente, sí munchos apreciamos lo que faes y t'almiramos.
Ambás ye quiciás el más importante, o de los más importantes, investigadores del país no que cinca a la cultura de nueso.
Un abrazu candial Ambás.
Nun vos esmolezades, CX ta muertu; yia cumu un cuélebre aguniando, decapitáu al qe sólu-y queda viva la tiesta que prontu dará las boquiáas. Tol mundiu sabe quién yia esa tiesta ensin cuerpu, que tenta resistire dende´l sou despachu nu Conceyu de la Ciudá Legionense.
RECIESCAT IN PACEM AETERNA, CX
Buônus a mi nun me gusta nada al que vos dezies d'Ambas. Fui graças al sou purgrama qu'un die quedei cu'la tacha grande abierta al oubir ua buôla que falaba quaisque cume la mie !
Y si, Ambas ya fui a Miranda. Ya viu eilli muita giênte, y ya ampeçou eilli al sou traballu. Agora so queda fazer als purgramas.
Y ya que falais de llionpedia... pus vaya que ostina yê aquiêllu ! Nun sei quiên derige aquiêllu, niên quiêru saber niên coinecer. Parece que son faxistas la ostia ! Sbara-se un cun Hitler an tod'lus recantus ! :(
Dende Miranda.