«L'acondroplasia ye una condición xenética pola que los neños medren mas sero de lo que ye vezu, y van quedando pequeños, pequeños... Amás nun-yos espoxiguen toles partes del cuerpu al tiempu: los brazos y les piernes menos, la tiesta más...». Asina s'esplica en qué consiste esta discapacidá na guía escolar -la primera d'esti tipu que se fai n'asturianu- qu'acaben d'editar l'Axencia Asturiana pa la Discapacidá y la Fundación Alpe Acondroplasia.

Con esta iniciativa quier concienciase a la comunidá escolar sobre les necesidaes que tienen les persones con esti tipu de discapacidá. La guía, billingüe, ta dirixida tanto a los y les neñes como a los equipos docentes, de manera que les escueles tean adaptaes p'atender n'igualdá de condicionaes a tol alumnáu.

(de Les Noticies, 29-09-2009)