XOSÉ LLUIS CAMPAL

Y***, ye dicir Xulio García Quevedo, amuesa, na so produición poética, una tendencia pol colloríu espresivu del dicir localista. El trunfu atopólu nos romances dialogaos como esti ‘Película’, de xineru de 1913 qu’asoleyó La Voz de Avilés. Un alderique ente dos paisanes (Dometila y Encarna) que, por mor d’unes menudancies y tracamundios intuyíos más que verbalizaos, termina nuna engarradiella de campeonatu.

–¡Del demonio yo arreniego! ¿Qué me cuntes, Dometila?
-Lo que tas oyendo, Encarna. (...
)–¿Fales serio, mi niñina?
-Muyer, ¿cómo to falar?
-Ye porque non tengo plizca de ganes d’armala hoy, y aunque digas que e mentira, tas falando con segunda; y de Paca, la mi prima, nin vas facer burla tu nin toda tu castra.
-Nina, non pesques tanto asofoco y, si acaso, toma tila.
-Non me fai falta, eso a otras a las que come l’anvidia.
-¿Va por mi?
-Va por el Nuncio.
-Otra casa más p’arriba que en ésta non viven cures.
-Van vivir n’esa pocilga.
-Ta más llimpia que la tuya, ¡pendonzona!
-Sí, más llimpia, y hay que entrar con salvavides pa no afogase.
-Anda, fuína, que lo que a ti t’apolmona y’el saber que la mi fía quitoi el mozu a la tuya.
-¿Quién, muyer, aquella mica?, ¿aquella cara de plizco? (...)–¡Ay!, paéme que te pica
-Non m’entero.
-Sí t’enteres.
-¡Desllenguada!i
-¡Rellambida!
-¡Muerta fame!
-A mucha honra, que otres fartes de comida non pueden decí lo mesmo.
-¡Ensinvergüenza!
-¡Cochina!

(d'El Comercio, 26-06-2009)