Radio Sele, la única emisora n'asturianu del panorama radiofónicu del país, retoma güei les sos emisiones depués de los problemes qu'obligaron a los sos responsables a cancelar la programación. La canal pue sintonizase dende güei mesmo nel dial de siempre (106.1 FM) y tamién na so páxina web.

La emisora vuelve a emitir asina la so programación, qu'esta fin de selmana inclúi una retresmisión dende Mallorca del partíu que'l Real Uviéu xuega ellí mañana, domingu, a les 17 hores col oxetivu de volver a la Segunda División B.

(de Les Noticies, 30-05-2009)