El próximu 20 de xunu va celebrase’l Día de les Lletres Asturianes na Casa d'Asturies en Valencia. Por causa d’esta celebración, la entidá convoca'l I Concursu de Rellatu Curtiu, que tien como oxetivu «fomentar la presencia y caltener el usu de la llingua asturiana ente la emigración asturiana de la ciudá».

Establécense dos categoríes de premios: la «a», na que podrán participar cualesquier sociu de la Casa d’Asturies, y la «b», na que lo podrán facer cualesquier persona mayor d’edá, residente n’Asturies o miembru de los centros asturianos reconocíos pol Conseyu de Comunidáes Asturianes. El plazu de presentación fina’l 31 de mayu.

(de la Estaya d'Asturianu de la Radio Televisión del Principáu d'Asturies, 05-04-2009)