Jacques Culioli de Córsica ganó tanto el premiu del públicu como’l premiu del xuráu na quinta edición de Liet Ynternasjonaal - Liet Lavlut, el festival-concursu pa les llingües minoritaries. Los asturianos Dixebra col tema "Indios" y'l sami Elin Kåven algamaron ex aequo la segunda posición del concursu, a 7 puntos de distancia de la cantante corsa.

Culioli, cantante tradicional de la aldega de Chera, nel sur de Córsica, impresionó a públicu y xuráu col canciu Hosannah en Excelsis. La canción foi escrita como una oración pal futuru d’una xunida corsa depués de la dómina escura na que los nacionaliegos corsos llucharon énte sí.

La votación del xuráu foi una llucha mui riñía ente los representantes de Córsica y Asturies, siguíos mui de cerca polos artistes de Mordovia, Mordens e pola lapona Elin Kaven.
Nel premiu del públicu al traviés de votos sms o per Internet tamién ganó Culioli, seguida de cerca pola cantante bretona “Gwennyn” y grupu meankieli “Surunmaa”.

Dixebra foron mui aplaudíos na so actuación, qu'abrieron con un discursu mui políticu, anticapitalista y remembrando la llucha obrera n'Asturies, y que los representantes asturianos finaron con un "pola oficialidá". El concursu foi tresmitíu en direutu por radio en Escandinavia, Asturies (Radio Sele) y Galicia.
La clasificación del premiu del xuráu d'esta V edición del Liet Lavlut / Liet Ynternasjonaal ye la que sigue:

1. Jacques Culioli, Corsica, 80 points
2. Dixebra, Asturies, 73 points
Elin Kåven, Sapmi, 73 points
4. Mordens, Mordvinian from Russia, 56 points
Carnicats, Friulian, 56 points
6. Jelte Posthumus & Pilatus Pas, Frisian, 54 points
Gwennyn, Breton, 54 points
8. Surunmaa, Meänkieli, 51 points
Spasulati, Arbareshe from Italy, 51 points
10. Boy Elliott & the Plastic Bags, Galicia, 46 points
11. Yr Anioddeffol, Wales, 44 points

(d'Infoasturies, 19-10-2008)