La Conseyería de Presidencia, Xusticia y Igualdá comunicó'l miércoles 16 de xunetu l'aprobación del decretu que determina que los topónimos n'asturianu del conceyu de Piloña pasen a tener la consideración de denomaciones oficiales. A partir de la entrada en vigor de la normativa, les Alministraciones Públiques han d'adaptar de manera progresiva les rotulaciones en víes públiques y carreteres de Piloña, mapes y planos oficiales a les formes toponímiques establecíes nel Decretu.

Hasta agora, tiénense aprobao los topónimos de 31 conceyos asturianos. Los últimos n'incorporase a la llista, enantes de Piloña, foron Castrillón (BOPA, 9-7-2008), Proaza (BOPA 19-6-2008), Ayer (BOPA 25-04-2008) y Samartín del Rei Aurelio y Riosa (BOPA 07-02-2008).

(de Les Noticies, 16-07-2008)