La lhéngua particular
Que l conceilho sabe falar
E'ste antigo palabreado,
De benerados abós ardado,
Tam particular sim eigual
Que n'um ai outro am Pertual,
Deberé de ser respeitado,
Portegido, acarinado,
Guardado cum abareza,
Porque el mos dá la certeza
D'l grande abanço de la naciom,
N'isso que chamam cebelisaciom.
Miranda, pobre Miranda,
Que tanto tenés sido roubada!
Dels tous balores sburgada,
Ni al menos este scapou,
Até l dialecto se te roubou!
Pobaciones que foram tûs,
Antre outras uá e más dûs,
Firmes, malquerida, quedoram
E l tou dialecto nunca dexaram,
Neste recanto pertués
Falam sémpre mirandés!
Stime-se esta lhéngua antiquada
Por omes de balor apreciada!
Ampare-se com carino:
De Sandim a Sanmartino
Ni espanhol ni pertués,
Puro e particular mirandés;
Mas ajuntem-se outras pobaciones
Sim necitar más razones.
Num debem quedar noutra banda;
Falam l dialecto, vengam acá para Miranda!
Ponga-se esta lhéngua particular
Toda a um solo lhugar,
Toda debaixo de l mesmo conceilho,
Stimada como um claro speilho,
Am que todos ls mirandeses onrados
Beiam ls traços dels antepassados,
E por sous particulares desinatibos
Stando múrtos, le pareçam bibos!
Porteija-se esta lhéngua, ampare-se!
Nunca debe de abandonar-se
Porque num al museu que la guarde,
E quando um dê mais tarde
Eilha de todo se perdir,
Naide la fará rebibir!

Rica, bêlha i fûrte praça
Que fuste bencida por traça...
Crime de cobarde treiçom
C'anc'ubre l nûsso coraçom!...
Mas nós num somos culpados
Desses traços deshonrados,
C'um c'outros l nûsso nome manchoram!
Galardom nûsso nunca lheboram!
Tubimos sêmpre no fondo d'l peito
De filhos anfelizes fûrte respeito,
Por ti querida mal adorada!
Destes pobres nunca albidada,
Nunca de nós fuste squecida
Ni serás am toda la bida!
Miranda!
Somos tous filhos!
Mas num somos filhos prodios,
Como cérto dê algum mos chamou!
Somos filhos arrebatados
Dl culho de la mai, roubados,
Para ti lhebantamos las manos!
Abraçá-mos como a nûssos armanos!
Partam-se cûrdas e cadilhos!
Cara descobêrta! Somos tous filhos!
Tous filhos todo los trés!
Bila Seco, Caçarrilhos e Angueira,
Tamém falam mirandés!!!

Bazílio Rodrigues

(de l Primeiro de Janeiro, 18-06-1945)

(Via Amboras de la Tierra de Miranda)