Foi una prestosa noticia que, dispuéis de la reconocencia de la Llengua Llionesa ou Asturllionesa na Propuesta de Reforma del Estatutu d'Autonomía de Castiella y Llión, el viceconseyeiru d'Educación, el Sr. D. Francisco Sánchez-Pascuala, dixera que la Junta de Castilla y León estudiaría la posibilidá d'impartir l'asignatura de Llengua Llionesa nos centros escolares.

«Nosotros estamos abiertos siempre que los niños adquieran una mayor riqueza idiomática. Si se trata de una buena propuesta y, siempre que sea una asignatura extraescolar y optativa, podríamos llegar a un acuerdo. Queremos lo mejor para nuestros alumnos» manifestóu D. Francisco Sánchez-Pascuala.

Querreríamos imaxinar qu'una buena propuesta pal Sr. Sánchez-Pascuala ha d'emprencipiar na institución qu'él mesmu representa, aprobando la Junta de Castilla y León una Llei de Protección, Usu y Promoción de la Llengua Llionesa, axustándose asina a lo que la Propuesta de Reforma del Estatutu de Castiella y Llión diz al respective de la Llengua Llionesa.

«El leonés será objeto de protección específica por parte de las instituciones por su particular valor dentro del patrimonio lingüístico de la Comunidad. Su protección, uso y promoción serán objeto de regulación.» Art. 5.2 de la Propuesta de Reforma del Estatutu d'Autonomía de Castilla y León.

Entós, parez lóxico pensar que, en collaboración colas Universidades de la Comunidá (especialmente las de Llión y Salamanca, por ser las qu'atienden el territoriu que se considera dientro del dominiu llingüísticu de la Llengua Llionesa), en collaboración cola Academia de la Llingua Asturiana (anguaño, l'únicu organismu español con competencias sobre la Llengua Asturllionesa) y cola participación de las asociaciones en favor de la Llengua Llionesa (que llevan años dedicándose a la protección y promoción de l'amentada llengua), la Junta de Castilla y León fomentará la creación d'una Institución Normativa qu'en primer llugar desenvuelva la normalización d'esta llengua, nun segundu llugar conforme'l conteníu curricular necesariu pal sou aprendizaxe y nun tercer llugar s’empuntie mui especialmente a la formación d'un personal docente axeitáu pa impartir l'asignatura de Llengua Llionesa nos centros escolares.

Esta Institución Normativa habría d'incluyir nas suas xeiras un importante esfuerzu d’investigación y recopilación de fuentes sobre la llengua en tolas suas variantes y, frutu d'esti trabayu y n’estreita collaboración colas diferentes universidades y organimos enantes amentaos, la edición d'un Diccionariu de la Llengua Llionesa qu'arrecade formas de tolas variedades faladas na comunidá. Esti trabayu, que sin la suficiente reconocencia y apoyu dende las instituciones faen anguaño las asociaciones na defensa de la Llengua Llionesa cumo FURMIENTU, ye'l meyor caminu pa qu’una buena parte de la sociedá nun refugue la llengua. Ye preciso beber nas fuentes vivas que tovía tien la llengua pa nun producir la sensación d'estar imponiendo na sociedá actual una cultura ayena y estraña.

No que se refier a la normalización que la Llengua Llionesa precisa na Comunidá Autónoma, namás fairía falta fixar unas normas ortográficas y gramaticales que valgan pa escribir en cualquier variedá y una descripción de las características xenerales de la llengua en tolas variantes faladas nel territoriu de la comunidá. Sicasí, ha de tenese en cuenta qu'el dominiu llingüísticu axunta territorios que quedan fuera de las llendes de la Comunidá Autónoma, polo qu’esta normalización tendría que consensuase colos organismos competentes nesta materia de los diferentes territorios involucraos.

Cuando nel mes de setiembre del pasáu añu se publicóu la Propuesta de Reforma del Estatutu de Castiella y Llión nel Boletín Oficial de las Cortes de Castiella y Llión, pudimos observar con muita espectación cumo s'aceptaba la Llengua Llionesa cumo dalgo dino de protección específica y reconocencia oficial. L'Asociación Cultural Zamorana FURMIENTU, que dende planteamientos serios, demostróu un verdadeiru interés pola nuesa llengua, con un trabayu continuu y calláu, quier ver nas declaraciones del viceconseyeiru d'Educación de Castiella y Llión, un pasu más na xeira qu'encetonen los gobernantes pa la recuperación d'una parte importantísima de la nuesa cultura. Esti caminu ye llargu y difícil, polo qu'aguardamos qu'estas declaraciones nun seyan dalgo namás cosmético ou anecdótico, quedando la sua causa nun caprichu de dalgunos grupos políticos, restrinxíu a la provincia de Llión, y sin nengún tipu de seriedá nin llizaz científicu nin pedagóxicu.

D'esta miente, creemos que los responsables políticos autonómicos y municipales nun han de buscar una rentabilidá política y/ou económica nel curtu prazu. Cuidamos qu'una verdadeira protección de la Llengua Llionesa tien que basase nel trabayu d'espertos, nas universidades de la Comunidá Autónoma, nas asociaciones defensoras de la llengua, nun profesoráu axeitáu y na promoción d'investigaciones y publicaciones, entre outras muitas mididas.

Esperemos que los nuesos políticos estean a l'altura de las espectativas creadas.

Asociación cultural zamornana FURMIENTU

(d'Actualidá de Furmientu, 28-10-2007)