Redacción

L'escritor asturianu Xuan Bello, va participar na primer sesión del Festival de Poesía Ibérica "Todos los mares-Todos os mares", que se ta cellebrando nes ciudaes portugueses de Lisboa y Cascais dende'l 25 d'ochobre y que va finar el prósimu 27 del mesmu mes. Xuan Bello va intervenir esti vienres 26 na primer sesión poética xunto colos escritores Gastão Cruz, Ana Luisa Amaral, Antonio José Ponte y Vergílio Alberto Vieira.

Na segunda sesión tamiñen va participar el poeta afincáu n'Asturies José Luis García Martín. Completen esta xornada nel festival Francisco Brines, Miguel D’Ors., Pedro Mexia, José Manuel Mendes y José Manuel Vasconcelos.

El Festival de Poesía Ibérica "Todos los mares-Todos os mares" ta organizáu pol Institutu Cervantes xunto cola Asociación Portuguesa d’Escritores y la Fundación D. Luís.

(d'Asturnews, 26-10-2007)