El representante asturianu nel festival consideráu l’“Eurovisión de les llingües minoritazaes” defendió’l so cantar “La nada y tu”, con lletra del poeta Antón García, ensin ser quien a meyorar la posición d’Asturies. Y ye que’l bon papel de Dixebra, que quedó l’añu pasáu en segundu puestu, facía mui difícil superar el resultáu. 40 puntos consiguió’l cantautor de Turón nun festival nel que trunfaron el grupu sami “Somby”, de Finlandia y los sardos “Dr. Drer en crc Posse”, que consiguieron el premiu del públicu.

Lleer el restu d'esta entrada

El númberu 101 de la revista Lletres Asturians, que publica l'Academia de la Llingua Asturiana, dedica bona parte de la so estensión a analizar diversos aspectos sintácticos, gráficos y de vocabulariu del lleonés y l'asturllonés medieval, amás d'otros temes d'estudiu, como la meteoroloxía popular da zona de Cabu Peñes.

El númberu presentólu güei Miguel Ramos Corrada, vicepresidente de l'Academia, demientres la rueda prensa de convocatoria oficial de les Xornaes d'Estudiu de la Llingua, que se desarrollarán la próxima selmana.

Lleer el restu d'esta entrada

La Xunta pola Defensa de la Llingua Asturiana (XDLA) quier denunciar «l'arrequexamientu de la llingua asturiana» nes campañes de promoción llevaes alantre pol Conceyu de Xixón.

Según esti colectivu, esta situación «non solo incumple» lo previsto na Ordenanza Municipal sobre l'usu de la Llingua Asturiana, sinón que tamién incumple «cola toponimia oficial aprobada cuantayá pol Conceyu y pol Gobiernu asturianu».

Lleer el restu d'esta entrada

La Directora Xeneral de Política Llingüística, Consuelo Vega Díaz, viaxa’l sábadu 31 d’ochobre a Leeuwarden (capital de Frisia) nos Países Baxos, p’asistir a la sesta edición del “Liet International”, prestixosu festival européu de la canción en llingües minoritaries onde Asturies va tar representada pol cantautor Alfredo González, ganador esti añu del “Premiu al Meyor Cantar” organizáu por esta Conseyería.

Lleer el restu d'esta entrada

Anunciólo’l conceyal de cultura, José Suárez Arias-Cachero “Felechosa”, la falta de fondos “qu’en tiempos de crisis han empobinase a otros gastos” acaba cola convocatoria del premiu de novela «Tigre Juan», que llevaba trenta años n’activu y de los premios «Uviéu», que llevaben trés ediciones, espublizándose los ganadores cola Academia de la Llingua Asturiana.

La nueva “política d’austeridá” del conceyu va caltener esta decisión polo menos nos próximos dos años.

(d'Asturnews, 23-10-2009)

El miércoles 21 d'ochobre, a les 19:00 hores, la Directora Xeneral de Política Llingüística, Consuelo Vega Díaz, asiste na sede madrileña de la Librería La Central (Muséu Reina Sofía; Ronda de Atocha, 2) a la sesión inaugural del ciclu "A dos voces", onde los escritores José María Merino y Xuan Bello van debatir d'"El sentimiento de la tierra", analizando la importancia de lo rural y la visión campesina na lliteratura moderna. Esta sesión va tar moderada pol escritor Félix Romeo.

Lleer el restu d'esta entrada

AMADEU FERREIRA

Cun muita rezon se ten dezido que ls sfuorços pul mirandés ándan debedidos i esso quier dezir que tamien son mais fracos. Tenendo esso an cuonta falemos eiqui nua anstituiçon central de la lhéngua i la cultura mirandesas, seia qual fur l sou nome. Hoije queremos abançar cun mais ua perpuosta que bai ne l mesmo sentido de ounir sfuorços, de dar las manos a fabor de la lhéngua i la cultura mirandesas i, de modo mais lhargo, stur-lhionesa.

Lleer el restu d'esta entrada

Güei a les 12 hores presentóse na sede de la Conseyería de Cultura y Turismu del Principáu d'Asturies el programa del I Festival del Llibru Infantil y Xuvenil, que va facese en Villaviciosa (Patiu de les Escueles Graduaes).

L'eventu va tener lles sos puertes abiertes dende'l xueves 15 hasta'l domingu 18 d'ochobre y va acoyer una gran variedá d'actividaes, que van incluir la presentación d'obres de publicación recién; la realización de talleres cola participación d'escritores asturianos; la celebración de conciertos didácticos y actuaciones musicales; sesiones de teatru infantil y cuentacuentos... La Comarca de la Sidra, co-organizadora, tien un pesu especial con diverses actividaes rellacionaes cola comarca, mesmo que'l Gremiu d'Editores d'Asturies, que va esponer les últimes novedaes del mercáu editorial, que van poder mercase con un 10% de descuentu.

Lleer el restu d'esta entrada

Opentrad ye un sistema de traducción automático en códigu abierto diseñáu inicialmente para toles llingües del Estáu y d'usu gratuito pa tol públicu.

Esa ye la torna al asturianu qu'ufre'l sistema cuando-y metemos el testu en castellanu de la definición d'Opentrad.

Esti proyeutu qu'entamara'l Ministeriu d'Educación español, al envís de tornar testos y sitios webs nes llingües oficiales del estáu ve aumentada, nesta nueva versión, la escoyeta de llingües que l'usuariu pue seleicionar. Ente elles esiste la opción (na segunda columna) de facer tornes "Español-Asturiano", "Asturiano-Español" midida anunciada va un añu pola Conseyería d'Educación del Principáu pal 2012, y llueu pal 2010, pero que polo visto yá tien versión beta a finales d'esti añu.

Lleer el restu d'esta entrada

La Oficina Municipal de la Llingua del Conceyu de Xixón editó nestos díes un xuegu destináu principalmente a los neños, anque non necesariamente, que se presenta col títulu de Nun quedes en porrica. Nél, al traviés d’entrugues (sobre temes como xeografía, ortografía o refranes), traballingües o la fechura d’un puzzle, los xugadores van perdiendo o ganando ropa del traxe tradicional asturianu (que se pon y se quita d’unos dibuxos recortaos que representen a dos mozos y dos moces), y gana’l que llegue al final con más prendes puestes. Esti xuegu foi ganador del concursu ¡Vas velo! Trebeyos pal aula, entamáu pola propia Oficina ente los estudiantes d’ESO de los institutos de Xixón. Resultó ganadora la clas de 3.u d’ESO del IES Padre Feijoo.

Lleer el restu d'esta entrada