El presidente de la Fundación Caveda y Nava, Inaciu Iglesias, considera que'l modelu d'artículu cuartu del Estatutu d'Autonomía acordáu por PSOE y PP que nun recueye la oficialidá de la llingua asturiana impón un "derechu de vetu" a esta posibilidá de cara al futuru.

Nesti sen se refirió a la necesidá establecida de que pa cualquier modificación del nuevu Estatutu d'Autonomía hay d'algamase un apoyu de los dos tercios de la Xunta Xeneral del Principáu, dalgo mui difícil d'algamar, dada la composición actual del parlamentu asturianu.

Dende'l so puntu de vista, PP y PSOE "frustraron les esperances d'abrir l'alderique en sede parlamentaria, ya que se tomó la decisión en falsu, y d'espaldes a la sociedá asturiana". Pa él, l'acuerdu "niega los derechos civiles de los usuarios de la llingua y rebaxa ésta al usu familiar; pa llegar a esto nun facía falta dar tantes vueltes", añadió.

(d'Europa Press, 11-07-2008)

ALLA

Llueu de conocer la propuesta de redaición del Artículu 4u del Estatutu d’Autonomía p’Asturies, pautada polos partíos mayoritarios (PSOE y PP) y asoleyada na prensa asturiana del vienres 11 de xunetu de 2008, l’Academia de la Llingua Asturiana quier dexar afitao y dar anuncia pública de lo que vien darréu:

1) La redaición propuesta ye un intentu consciente, plantegáu arrémente, d’acabar dende’l puntu de vista llegal col patrimoniu inmaterial más importante d’Asturies: la so llingua y cultura.
2) L’Academia refuga dafechu la redaición y conteníu del artículu 4u porque supón nidiamente un atentáu contra la llingua y contra la dignidá del pueblu asturianu. Non solo nun hai nengún avance, sinón que ye un retrocesu bultable en rellación colos llogros d’estos años.

Lleer el restu d'esta entrada

El Conceyu Abiertu pola Oficialidá (CAO) convoca a concentrase'l llunes 14 de xunetu, a les 10:45 hores, delantre de la Xunta Xeneral del Principáu. Esta acción ye una demostración de que'l Conceyu Abiertu va siguir reclamando pal Estatutu la inclusión de la oficialidá de la llingua asturiana mientres duren les reuniones de la ponencia estatutaria y siempre que faga falta defender un ameyoramientu del marcu llegal de forma que se reconozan los derechos llingüísticos de los ciudadanos.

Como vien siendo habitual nes concentraciones, representantes de la plataforma cívica van facer valoraciones sobre los trabayos de la ponencia y les propuestes pa la redacción del Artículu 4 que se tán baraxando.

El CAO rechazó'l xueves 10 de xunetu, por mediu d'un comunicaú, la propuesta del grupu parlamentariu socialista -apoyada depués pol PP- pal Artículu 4, onde se-yos niega al asturianu y al gallegu-asturianu l'estatus de llingües oficiales. Nel mesmu comunicáu, el Conceyu Abiertu llama a la sociedá asturiana a «denunciar públicamente y impedir l'aprobación d'esta redacción del artículu 4 que vulnera un derechu fundamental y ruempe'l principiu d'igualdá al impedir que'l Estatutu seya fonte de derechos».

(de Les Noticies, 11-07-2008)

Los grupos parlamentarios cierren l'artículu que tien que ver cola llingua asturiana denomando al asturianu y al gallego-asturianu como "patrimoniu llingüísticu", qu'axunta un valor social de respetu, convivencia y entendimientu. Recueye al mesmu tiempu'l deber del Principáu de promover y fomentar el so usu, asina como'l so espardimientu nos medios de comunicación y la so enseñanza, respetando en tou casu, les variantes.

D'esti mou el grupu que forma la ponencia estatutaria, formáu pol PSOE, PP ya IX-BA-LV, pieslla definitivamente la puerta a la cooficialidá de les llingües d'Asturies.

L'asturianu yera ensin dulda ún de los asuntos más polémicos de la refoma, nel que s'esparaba que hubiera discrepancies, por embargu l'alcuerdu ente'l PSOE y el PP pieslla l'asuntu. Asina, y según esplicó'l voceru del PSOE, Fernando Lastra, los socialistes presentaron propuestes de tolos artículos que tán presentes nel títulu preeliminar, y la que tien que ver col asturianu tuvo'l preste del PP.

Pela so parte'l cabezaleru del PP, Ovidio Sánchez, manifestó que los populares yá trabayaren xunto colos socialistes nesti asuntu, polo que partíen d'un consensu previu y poro, roblen el testu.

Pela contra IX-BA-LV volvió a defender, según indicó Jesús Iglesias, la propuesta presentada pol Conceyu Abiertu pola Oficialidá y na que se recoyía la oficialidá de la llingua.

(d'Asturies.com, 10-07-2008)

La posibilidá d'integrar los estudios de llingua asturiana nun 'mínor', dientro del Títulu de Grau de Filoloxía, estudiada nestos momentos pol nuevu decanu, José Antonio Martínez, divide a los profesores asturianistes. Mientres los miembros del Seminariu consideren que la midida ye bastante, Ana Cano muéstrase cauta y profesores del so sector venla escasa.

La creación del 'mínor' ye nestos momentos la posibilidá que baraxa'l decanu recién nomáu pol rector, Vicente Gotor, dempués de la dimisión d'Ana Cano, tres l'aprobación de la enmienda del profesor Félix Fernández de Castro a la propuesta d'esta última de Títulu de Grau.

La ex decana plantegaba la posibilidá d'estudiar asturianu, dientro d'un 'maior' de Llingües Modernes de 120 creitos, como Llingua A, con máximu de 72 creitos, o como Llingua B, con un máximu de 48. Esta última tamién podía cursase como 'mínor'. La enmienda de Fernández de Castro respetaba'l sistema de 'maiores' y 'minores', eliminando l'asturianu de toles propuetes, lo que motivó la dimisón de Cano.

Martínez busca agora la forma de conservar la llingua asturiana como un 'mínor' con un máximu de 48 creitos, ensin falta d'incluyila nel 'maior'. Dende'l so puntu de vista "nun queden munches otres posibilidaes", afirmó en declaraciones a Europa Press. El xestor de la Facultá ye patidariu d'adautar les enseñances d'asturianu a "lo que marque'l Gobiernu del Principáu en materia llingüística".

Espera, poro, con esta midida, llograr un consensu ente los más y los menos favoratibles al asturianu, "dexando les opiniones polítiques a parte y teniendo en cuenta que la nuesa función ha ser la formación profesional del profesoráu", añadió.

APOYOS NEL SEMINARIU.

La propuesta cuenta ya col vistu bonu de varios de los profesores del Seminariu de Filoloxía Asturiana. Ramón d'Andrés considera que la propuesta de 'mínor' "diba equivalir a tornar l'actual títulu propiu d'especialista d'asturianu nuna enseñanza reglada dientro del propiu grau de filoloxía", dalgo que, dende'l so puntu de vista, meyora la situación actual de la llingua, presente sólo en dalgunes asignatures optatives.

Esta posibilidá ye compartida por otros miembros del seminariu, como Taresa Fernández Lorences, Xulio Viejo o Juan Carlos Busto Cortina. Toos ellos espresaron la so sorpresa pola aprobación de la enmienda de Fernández de Castro y agora ven nesta opción la posibilidá de reconducir la situación. En casu contrariu, "la llingua asturiana va quedar minusvalorada, nun llega nin a la categoría de llingua, ni podría ser oxetu d'estudiu", afirmó Lorences.

PRUDENCIA DE LA EX DECANA.

La ex decana, y presidenta de l'Academia de la Llingua Asturiana, nun se prounció sobre esta posibilidá. "Veremos cómo s'encaxa y lo que diz la Xunta de la Facultá", afirmó. Sin embargu, sigue calteniendo que la so propuesta yera "asumible". Negó nesi sen que se pretendiere crear un 'maior' d'asturianu, sinón que sólo se daba la opción de cursar asturianu dientro d'un 'maior' como Llingua A o Llingua B o bien como un 'mínor'. Caún d'eses posibilidaes esclúi a la otra, polo qu'un alumnu sólo diba poder facer un máximu de 72 creitos d'asturianu demientres tola titulación.

Negó poro que supunxera la creación de la especialidá d'asturianu, tantes veces demandada pola Facultá de Filoloxía. "El tratamientu del asturianu ye'l mesmu que'l de les llingües que nesti momentu s'estudien na Facultá y que nun tienen titulación,ya que nun s'iguala al español, al inglés o al francés, sinó al alemán, al italianu o al portugués", conluyó.

Otru profesor universitariu, nesti casu da la Facultá de Pedagoxía, Xosé Antón González Riaño, tamién miembru de l'Academia de la LLingua Asturiana, considera claramente escasa la opción del 'mínor'. "Pa la formación de profesionales de la enseñanza d'asturianu yeren necesarios polo menos unos estudios con un mínimu de 75 creitos", afirmó. Nesti sen, recordó que los currículos oficiales de Llingua Asturiana pa profesores d'Enseñanza Secundaria y Bachilleratu ye complicáu.

"Un 'mínor' de 48 creitos nun ye bastante, pa formar al profesoráu, ya que nengún profesor diba tar capacitáu con esos estudios", matizó. Dende'l so puntu de vista pedagóxicu, ye una propuesta "indefendible, sinón se completa con estudios posteriores".

ELECCIONES N'AVIENTU.

El nuevu decanu va completar el mandatu d'Ana Cano, que conclúi nel mes de payares. De siguío, va convocar elecciones al Decanatu, cola estimación de que la votación tenga llugar n'avientu.

Martínez espresó ayeri'l so deséu de que la so xestión nun s'allargue más, "si los mios compañeros collaboren".

(d'Europa Press, 10-07-2008)

El rector de la Universidad de Oviedo, Vicente Gotor, ha garantizado que se están tomando los pasos necesarios para que el asturiano esté en los futuros planes europeos, tal y como prometió en su programa electoral, según aseguraron ayer miembros del Conceyu Universitariu pol Asturianu (CUPA).
Esta organización independiente, asturianista y universitaria, en la que participan alumnos, maestros, personal de administración y servicios, mantuvo ayer mismo una reunión con el rector, en la que ambas partes coincidieron en la necesidad de buscar el consenso perdido sobre el uso del asturiano en la institución académica. Se refiere el Conceyu a la polémica suscitada desde hace unas semanas, después de que la decana de la Facultad de Filología, Ana Cano, dimitiera tras votar la mayoría de la Junta de la Facultad en contra de incluir al asturiano como un título de grado.
En cuanto a los problemas generados por el rechazo de documentos en asturiano en el registro de la Universidad el rector se comprometió a solucionar el problema mediante la firma de un convenio con el Gobierno regional, que permita la existencia de un órgano traductor, siempre según el Conceyu. Asimismo, el CUPA considera que el equipo rectoral está realizando movimientos positivos para la normalización del asturiano en la institución académica fijando los puntos del proceso de «una forma ordenada, progresiva y dialogada».
Por otra parte, la Universidad de Oviedo tendrá, desde setiembre, la primera cátedra del país destinada a la Distribución Comercial. Así lo acordaron ayer el rector, Vicente Gotor, y el presidente de la Fundación Ramón Areces, Raimundo Pérez-Hernández, durante la firma del convenio entre ambas entidades que supondrá la financiación de la última de 100.000 euros.
Gotor asegura la entrada del asturiano en las nuevas titulaciones europeas.

(d'El Comercio, 10-07-2008)

El Conceyu Abiertu pola Oficialidá (CAO) presentó esti llunes énte la Xunta Xeneral del Principáu'l so modelu d'artículu cuartu pal Estatutu d'Autonomía, nel que se recoyería la oficialidá de les tres llingües presentes na Comunidá Autónoma: el castellán, l'asturianu y el gallego-asturianu.

Un centenar de persones, representantes de delles de les más de 250 organizaciones que soscribieron los estatutos del CAO, fueron a la cita, nes escaleres de la entrada de la Xunta Xeneral del Principáu, onde dos mozos portaben un cartelu que recoyía la propuesta estatutaria. El so testu foi lleíu por tres persones, caúna d'elles nún de les llingües oficiales.

Nel testu n'asturianu queda conseñao lo que sigue darréu:

"Les llingües cooficiales del Principáu d'Asturies son el castellanu y l'asturianu. El gallego-asturianu, tamién ye llingua oficial nel so ámbitu territorial. Tolos ciudadanos tienen derechu a conoceles y usales. Naide va poder ser discrimináu pola mor de la llingua que llibremente escueya y utilice. Les Alministraciones públiques han garantizar l'usu normal d'estes llingües, amás de la so promoción, enseñanza y presencia amañosa nos medios de comunicación. Una llei de la Xunta Xeneral del Principáu tien de determinar los criterios del procesu de normalización llingüística".

Ésti va ser presentáu oficialmente esti martes nel rexistru de la Xunta Xeneral, celebrándose amás un alcuentru colos trés grupos parlamentarios presentes na cámara, a los que se-yos entregará una copia del mesmu.

Fernando Ornosa, voceru del CAO, leyó tamién un comunicáu nel que se desixía a los grupos políticos la inclusión d'esti artículu nel futuru estatutu, señalándose'l "deber" de les alministraciones de caltener la llingua.

Ente los asistentes diéronse cita Noemí Martín y Rafael Palacios (IX-BA-Verdes), los sindicalistes Juan Manuel Martínez Morala (CSI) y Paco Baragaño (secretariu xeneral d'USO-Asturies), l'artista Ánxel Nava, la presidenta de l'Academia de la Llingua, Ana Cano, o los cantantes Xune Elipe (Dixebra), Xosé Ambás (N'Arba) y Miguel Fernandi (Skama La Rede). Tamién tuvieron representaos otros partíos y sindicatos como PAS, URAS, Unidá, Comisiones Obreres o Suatea, y colectivos como Xega o la Xunta pola Defensa de la Llingua Asturiana.

Fernando Ornosa esplicó al cabu del actu que'l testu foi entregáu a los tres partíos políticos, si bien nel casu del PP y Izquierda Xunida foi tres un conceyu, demientres que col PSOE nun se pudo alcordar cita. "El Grupu Socialista niégase a recibimos de momentu", señaló. Nesti sen, afirmó tener constancia de qu'IX-BA-Verdes va defender esti modelu d'artículu mientres que "el PP ta estudiando si pue o nun pue asumilu".

Refirióse tamién al 37 Congresu Federal del Partíu Socialista, celebráu esti fin de selmana, "onde s'apoyó la defensa de la diversidá llingüística". "Pues bien, Asturies formar parte d'esa diversidá llingüística, y los asturianos queremos tener derechu a utilizar la nuesa llingua", afirmó.

El Conceyu de Siero y al traviés del Conseyu Llocal de la Muyer, ta acabante convocar la octava edición de los Concursos de Fotografía, Audiovisuales, Poesía y Rellatos Curtios n’Asturianu.

El plazu pa presentase termina’l 31 de xunetu y tienen premios que tán ente los 450 y los 350 euros.

“Muyer y participación”, ye’l títulu que lleven estos concursos que tán empobianos a destacar la presencia de les muyeres na sociedá.

Más información: Bases completes de los premios

(d'Asturnews, 08-07-2008)

Continuando col sou llabor editorial en llengua asturllionesa, la editorial "Llibros Filandón" vai sacar al mercáu dúas obras inéditas del escritor llionés Xosepe Vega: "Epífora y outros rellatos" y "Breve hestoria d'un gamusinu". Entrambos llibros del autor de "Los desventuraos afanes del Ti Pucheros" y "El cascabelicu" (primer premiu nel "I Certame de Rellatos Curtios" convocáu pola asociación "La Caleya" y l'Ayuntamiento de Astorga) van ver la lluz a lo llargu d'esti branu.

Furmientu quier dar la norabuena al escritor y pidir a "Llibros Filandón" que siga allegándonos noticias tan buenas como esta. ¡Buena xeira!.

Epífora y outros rellatos
Xosepe Vega
ISBN: 978-84-612-5315- 9
200 páx.
125x199
PVP: 14,50 euros
Disponible a partir de la última semana del mes de Santa Marina.

Breve hestoria d'un gamusinu
Xosepe Vega
ISBN: 978-84-612-5316- 6
84 páx.
125x199
PVP: 11,00 euros
Disponible a partir de la segunda semana d'Agostu.

(de Furmientu, 06-07-2008)

A. VILLACORTA / E. MONTES

Ha vuelto a reabrirse. La herida del asturiano, encarnizada desde que el Ministerio de Educación denegase a la llingua el carácter de lengua, ha vuelto a dividir la Facultad de Filología de la Universidad de Oviedo en dos clanes irreconciliables: quienes defienden su enseñanza reglada y los que se oponen a equipararla a las lenguas oficiales de estados nacionales como el inglés o el francés.
El último enfrentamiento resurgió en forma de enmienda a la propuesta presentada a la Junta de Facultad sobre las titulaciones a adaptar al Espacio Europeo de Educación Superior. El equipo decanal otorgaba a la Filología Asturiana el carácter de título de grado y el autor de la enmienda, el profesor Félix Fernández de Castro, «un asturiano de séptima generación nacido circunstancialmente en Melilla», como él mismo se presenta, consideraba «incongruente» la «equiparación».
La apretada votación arrojó un resultado de 34 votos a favor de la enmienda, 30 en contra y 7 abstenciones, lo que dejaba el asturiano fuera de la Facultad de Filología para el futuro. La votación generó la dimisión inmediata e irrevocable de la decana, Ana Cano, presidenta, además, de la Academia de la Llingua.
El conflicto, que se reactiva periódicamente y genera violentas reacciones en Filología, generó la inmediata movilización de los sectores asturianistas, que en su mejor versión se plasmó en un encierro estudiantil en el Edificio Histórico, y en la peor, en un empapelamiento del campus de El Milán con carteles contra el profesor Fernández de Castro, mensajes insultantes y la entrada intimidatoria de tres jóvenes en su despacho. Volvía así la radicalización al epicentro de la facultad años después de que una vieja resolución del Parlamento regional exigiese la presencia de los estudios superiores de asturiano y la Universidad implantara el título de Filología Asturiana con validez oficial sólo en territorio asturiano, además de incluir la asignatura como optativa en el plan de estudios.
La dimisionaria Ana Cano fue muy dura con el resultado de la votación: «Me parece gravísimo, antiacadémico, antiuniversitario y anticientífico que la Facultad de Filología de la Universidad asturiana evite que el asturiano forme parte de la enseñanza reglada», declaró la catedrática de Filología Románica, que colocó la pelota en el tejado del rector, Vicente Gotor, y en el del consejero de Educación, José Luis Iglesias Riopedre.
Pero Riopedre guarda silencio sepulcral y Gotor sólo admite que «la Facultad está dividida desde hace tiempo por intereses políticos de algunas personas que resultan poco entendibles». Su gran movimiento ha sido poner al frente del Decanato de la Facultad de Filología al catedrático de Lengua y Literatura Española José Antonio Martínez. Gotor descarta que se vayan a convocar elecciones a corto plazo: «Eso depende del decano, que tiene hasta noviembre para agotar el mandato que le correspondía a Ana Cano». La última palabra la tiene así Martínez, que apunta una vía de acercamiento: «Hay que hacer propuestas de integración, madurarlas y tratar de convencer a la gente. Alguna habrá que les convenza, por la cuenta que les trae».
Influencias externas
Ramón D'Andrés, coordinador del Seminariu de Filoloxía Asturiana, introduce un nuevo matiz para la división: «En la Facultad hace años que alrededor del asturiano opera un lobby extrauniversitario que utiliza la Universidad como una sucursal para extender sus redes de poder. Ese lobby coincide con la cúpula dirigente de la Academia de la Llingua en su versión más sectaria. Hace años que la ex decana no cuenta con nadie, a excepción de tres profesores, lo que ha colocado al asturiano en la peor situación que podíamos imaginar. Por primera vez, es la propia Facultad la que ha votado en contra del asturiano, deslegitimando su entidad lingüística».

(d'El Comercio, 06-07-2008)