L. CASO.

La asociación cultural Tertulia Rita Caveda ha convocado su III Concurso de Cuentos Ilustrados dirigido a los escolares de Educación Primaria de la Comarca de la Sidra. Podrán presentar un solo trabajo, tanto en castellano como en asturiano, con una extensión mínima de tres folios, en tamaño DIN A4. Las obras, con temática de libre elección, han de ser inéditas y se entregarán antes del 13 de enero. La tertulia entregó recientemente sus galardones anuales al Grupo Defensores de la Naturaleza, del Ateneo Obrero de Villaviciosa, y a Aurelio Hevia, cofundador de la asociación, a título póstumo.

(d'El Comercio, 03-01-2010)

La Tertulia Rita Caveda Solares, de Villaviciosa, convoca la tercer edición del so Concursu de Cuentos Ilustraos «Les Comadres». Nél pueden participar tolos neños y neñes empadronaos en cualquier conceyu de la Comarca de la Sidra, con estes categoríes: A (de 1.u a 3.u d’Educación Primaria) y B (de 4.u a 6.u d’Educación Primaria). El tema ye llibre y pueden presentase obres n’asturianu y castellanu (una por cada concursante), nun han tener menos de tres páxines, contando la portada y les ilustraciones. Les obres tienen que ser inédites y orixinales.

Lleer el restu d'esta entrada

D. BARREIRO

La obra “Nel día de la victoria” del autor mierense José Juan González ye la ganadora del VII Concursu de Cómic n’asturianu Comarca de la Sidra. Nella, nárrase una escura historia ambientada nun Nueva York en ruines. L’autor, que lleva un premiu de 500 euros, ye un dibuxante autodidacta con un estilu mui personal que yá foi reconocíu con dellos premios.

Del mesmu mou, el xuráu concedió dos accésit de 200 euros caún a la futurista “Creación 3.0”, d’Enrique Carballeira y “Fuñería” del xixonés Diego Bernardo Álvarez, una obra d’ambiente mitolóxicu.

Lleer el restu d'esta entrada

Col envís d'editar un llibru-cartafueyu qu'antologue la lliteratura n'asturianu que se ta escribiendo anguaño na Comarca de la Sidra, el Serviciu de Normalización Llingüística de la Mancomunidá convida a tolos escritores de la comarca interesaos en participar a unviar les sos participaciones en forma de poesía (con una estensión perbaxo de los 100 versos) o rellatu breve (trés fueyes como máximu). Les collaboraciones han enviase per meil a normastur@lacomarcadelasidra.com, o bien per correu al Serviciu de Normalización Llingüística MAN.CO.SI. Paraes, nº47 33529.

(d'El Solanu, 27-10-2009)

Pela carpa asitiada nel patiu de les Escueles Graduaes de Villaviciosa pasaron estos cuatro díes (del 15 al 18 d’ochobre) más de 1000 neños y neñes de distintes edaes que pudieron participar nes sesiones de cuentacuentos, talleres musicales y lliterarios, esposiciones y demás actividaes programaes. Los escolares pertenecíen a los tres institutos d’Enseñanza Secundaria (IES de Lluces, “Peñamayor” de Nava y IES de Villaviciosa) y a los centros d’Educación Primaria de la Comarca de la Sidra (los Colexos Rurales Agrupados de “La Coroña” y “La Marina” y los colexos “San Rafael”, “San Bartolomé”, “Martimporra”, “Braulio Vigón”, “Matemático Pedrayes”, “Salvador Vega Berros” y “Maliayo”).

Lleer el restu d'esta entrada

RAMÓN SORDO SOTRES

Ello é que los nombres de los sitios más curiosos muchas veces son tamién los más polémicos. Asina pasa colas peñas más nombradas de Cangues y Valdeón; al respetive d'ellas equí vienen los topónimos que mi dixeren cientos de pastores colos que jablé:

La pica de 2.478 metros d'altura qu'é la más elevada del conceyu asturianu de Cangues conocíase nos municipios d'Asturies como Peñe Santa o Peña Santa, anque nel d'Amieva tenía otros llamatos. Y los pocos pastores que taban en cuenta de que detrás d'ella pinábase una muchu más ancha, pero que vista del Norte taba mui atapada pola otra, estremaban el topónimu: Peña Santa d'Asturies era la de 2.478 (nombre qu'udíase pocu, pa mí porque dicíase tamién el mui sintíu Peña Santa) y Peña Santa de Castilla la otra de 2.596 metros, pos Castilla é como, sin precisión, llamaban a Lleón, provincia onde, nel conceyu de Valdeón, pínase esta más alta.

Lleer el restu d'esta entrada

PABLO R. ALONSO

El Serviciu de Normalización Llingüística de la Mancomunidá de la Comarca de la Sidra ta acabante de dar anuncia del VII Concursu de Cómic n'Asturianu "Comarca de la Sidra". Nelli van poder participar persones de cualquier nacionalidá, de forma individual o colectiva, qu’a la fecha d’entrega de los trabayos tengan fechos los 14 años. El plazu de presentación acaba’l 13 de Payares de 2009 y tien un primer premiu de 500 € y dos accésit de 200 € caún pa los dos trabayos finalistes.

Lleer el restu d'esta entrada

El Serviciu de Mocedá de la Comarca de la Sidra yá tien abiertu'l plazu de receición d'escritos al IV Concursu de Microrrelatos 2009-Lliteratura Comprimida. Una convocatoria añal col sofitu de Caxastur que premia con 600 euros un relatu d'hasta 200 palabres, sía escritu en castellanu como n'asturianu. El concursu ta empobináu a mozos y moces de menos de 35 años d'edá y pueden mandase hasta'l 30 de setiembre un máximu de dos relatos por persona.

Les bases y la tramitación completa del concursu (formulariu d'inscripción, unviu, etc.) fáense per internet en www.comarcajoven.com.

ANEXU 1: Enllaz con tola información y apartáu del Concursu

(Vía email)

Ente’l 4 y el 13 de mayu van poder vese nel Salón d’Actos de la Casa de la Cultura de Colunga (Carretera xeneral, 23) les obres seleccionaes y premiaes nel VI Concursu de Cómic n’Asturianu entamáu un añu más pol Serviciu de Mocedá de la Comarca de la Sidra (qu’axunta a los conceyos de Villaviciosa, Colunga, Cabranes, Sariegu, Nava y Bimenes). El ganador d’esta edición foi’l xixonés Manuel García Iglesias, col trabayu tituláu La misión, mientres que los finalistes foron Sebastián Mulero y Juan Miguel Borja Estévez.

Lleer el restu d'esta entrada

La Conseyería de Cultura y Turismu ta desarrollando nestos meses una nueva campaña de normalización social de la llingua asturiana nel sector socioeconómicu. En concreto, l’oxetivu d’esta campaña ye’l comerciu, que la Conseyería considera “unu de los ámbitos más importantes nes rellaciones cola ciudadanía”. Dempués de dellos meses, los responsables consideren “un gran ésitu” la mesma, “con visibilidá curiosa nos establecimientos comerciales y con bien d’aceptación social”.

Lleer el restu d'esta entrada