Los responsables del Archivu Musical, Fernando Ornosa, y del Muséu de la Gaita, Fonsu Fernández, del Pueblu d'Asturies, plantegaron esta selmana la puesta en marcha d'una política de compra pública de los rexistros sonoros reocyíos por aquellos investigadores que desarrollaron importantes llabores de recopilación, como ye'l casu de Xosé Antón Martínez Ambás.

Asina lo plangearon demientres la so intervención nes xornaes sobre'l patrimoniu oral d'Asturies celebraes esta selmana nel Seminariu de la Facultá de Filoloxía Asturiana de la Universidá d'Uviéu, nuna ponencia sobre la construcción del cancioneru asturianu.

Lleer el restu d'esta entrada

La campaña Doi la Cara pola Oficialidá, iniciativa que lleva alantre dende hai más d’un añu'l Conceyu Abiertu pola Oficialidá (CAO), algamó la cifra de les 10.000 semeyes de persones retrataes col lema que da títulu a la campaña, según informaron Carlos Pulgar, portavoz del CAO, y Poli Mencía, coordinador de la campaña.

Nuna rueda de prensa, anunciáronse los actos que se van facer el 28 de payares en La Pola Siero pa celebrar esta cifra tan significativa. La Pola Siero va convertise nel escenariu escoyíu pol CAO pa celebrar la cifra de les 10.000 semeyes de la campaña. Según el coordinador, Poli G. Mencía, les 10.000 semeyes «suponen una etapa más, un principiu y non un final». Mencía esplicó na rueda de prensa ofrecida na sé del CAO que’l motivu d’escoyer la capital de conceyu de Siero p’acoyer estos actos festivos «ye porque bona parte de la xente que participó na campaña son d’esti conceyu y, amás, ye un sitiu céntricu n’Asturies».

Lleer el restu d'esta entrada

Músicos y cantantes como Anabel Santiago, Chus Pedro (Nuberu), Toli Morilla o Xune (Dixebra), grupos de teatru como Quiquilimón, Kumen o Higiénico Papel, monologuistes como Milio'l del Nidu, o escritores como Vicente García Olvia y Iris Díaz Trancho, ofrecerán actuaciones, talleres y charres a los estudiantes de primaria y secundaria de tolos centros educativos que lo soliciten.

Formen parte de l'Axenda Didáctica del Principáu, pal cursu escolar 2009-2010, que presentó güei en rueda prensa la directora xeneral de Política Llingüística, Consuelo Vega y el director xeneral de Polítiques Educatives, Juan José Sánchez Navarro, acompañaos en primer términu de la cantante Anabel Santiago, y la representante del grupu de teatru Producciones Quiquilimón, Rosa Garnacho.

Lleer el restu d'esta entrada

INACIU GALÁN

El cantautor Alfredo González ta acabante participar como representante d’Asturies nel festival Liet Internacional, una triba d’Eurovisión pa llingües minorizaes onde’l músicu se midió con artistes qu’usen idiomes europeos en situaciones sociollingüístiques especiales. Asturnews estrena la so estaya “Entrevista de la selmana” conociendo la esperiencia d’esti músicu en Frisia, onde representó a Asturies col cantar “La nada y tu”.

¿Cómo valora’l resultáu de la so participación nel Liet Lavlut, ta satisfechu?
Yá taba plenamente satisfechu namás con dir y bromeaba con quedar a gustu si nun quedaba l’últimu (rises). A la fin quedé novenu d’once y sestu en votaciones del públicu. Nun yera un festival mui propiu pa un cantar como’l míu pero peme que ficimos un papel dignu. Dir, conocer mundu cantando n’asturianu nos Países Baxos... eso ye una victoria.

Lleer el restu d'esta entrada

Faceira ye una publicación electrónica orientada a la investigación y a la divulgación del patrimoniu cultural del Reinu de Llión en tódolos sous ámbitos, y a la creación Iliteraria n’asturllionés. Queremos que l’asturllionés, que conforma una parte importante y querida de la nuesa cultura inmaterial y espiritual, seya’l vehículu preferente d’espresión pa los trabayos qu’apaezan eiquí ya qu’entendemos que la meyor forma de fomentar la llingua ye empreala. La revista naz tamién cola voluntá de sirvir de puntu d’alcuentru pal nuesu dominiu llingüísticu col fin d’estreitar llazos colos territorios vecinos colos que compartimos un vieyu y venerable raigón que nun podemos esqueicer. Outramiente Faceira ta abierta a la participación de xente interesada con collaboraciones referidas al patrimoniu natural, inmaterial, arquitectónicu, llingüísticu, musical y etnográflcu de la nuesa tierra.

Lleer el restu d'esta entrada

El representante asturianu nel festival consideráu l’“Eurovisión de les llingües minoritazaes” defendió’l so cantar “La nada y tu”, con lletra del poeta Antón García, ensin ser quien a meyorar la posición d’Asturies. Y ye que’l bon papel de Dixebra, que quedó l’añu pasáu en segundu puestu, facía mui difícil superar el resultáu. 40 puntos consiguió’l cantautor de Turón nun festival nel que trunfaron el grupu sami “Somby”, de Finlandia y los sardos “Dr. Drer en crc Posse”, que consiguieron el premiu del públicu.

Lleer el restu d'esta entrada

La escena de rock n’asturianu, que dende hai dalgún tiempu vien surdiendo adulces, parez que va afitándose con seguridá. Si hai unos años yera bien difícil falar d’un movimientu d’estes característiques, anguaño pue constatase la existencia d’un númberu de bandes, coincidentes nel tiempu, bien bultable.

Lleer el restu d'esta entrada

La Directora Xeneral de Política Llingüística, Consuelo Vega Díaz, viaxa’l sábadu 31 d’ochobre a Leeuwarden (capital de Frisia) nos Países Baxos, p’asistir a la sesta edición del “Liet International”, prestixosu festival européu de la canción en llingües minoritaries onde Asturies va tar representada pol cantautor Alfredo González, ganador esti añu del “Premiu al Meyor Cantar” organizáu por esta Conseyería.

Lleer el restu d'esta entrada

IGNACIO PULIDO

Los descendientes de Rogelia Gayo, la folclorista vaqueira más famosa en Asturias, tratan de localizar desde hace décadas varios libros en los que la valdesana recogió, con su puño y letra, numerosos cantares, chistes e historias de vaqueiros. Los volúmenes, cuyo rastro se perdió años atrás, serían de gran valor para la cultura popular asturiana. Su supuesto contenido nunca antes había sido compilado y, a día de hoy, sólo sobrevive testimonialmente gracias a la transmisión oral.

José Antonio Gómez, profesor de Etnomusicología en la Universidad de Oviedo, trabaja actualmente en la elaboración de una biografía sobre Rogelia Gayo que, debido al gran desconocimiento que envuelve a su figura, está resultando ser una ardua tarea.

Lleer el restu d'esta entrada

M.B.

El sábadu 3 d'ochobre, a la una de la tarde, Camín de cantares vuelve a la programación de la Televisión del Principáu d'Asturies (TPA). La serie producida por Ámbitu Audiovisual, dirixida por Ramón Lluís Bande y inspirada nel Archivu de la Tradición Oral de Xosé Antón Fernández Ambás -que conduz caún de los capítulos- llega a la sesta temporada convertida nún de los mayores éxitos d'audiencia de la canal autonómica y considerada unánimemente como ún de los cumales de la cultura del país nestos últimos años. En llinies xenerales, la serie mantiénse fiel a lo que yá conocen los espectadores, polo menos no que tien que ver cola estructura: los capítulos -trece en total- van siguir la mesma estructura tripartita qu'inclúi una entrevista d'Ambás con cada informante, una interpretación de dellos cantares tradicionales al cargu d'estos y una reellaboración d'úna d'eses mesmes canciones fecha por un grupu asturianu del momentu. Sicasí, ello nun quier dicir que la temporada nueva venga ensin novedaes no que tien que ver col conteníu. Y ye que, pela primer vez, en dellos capítulos la serie dexa atrás les fronteres d'Asturies p'averase a los territorios de Llión y Zamora.

Lleer el restu d'esta entrada