La Conceyalía de Cultura del Ayuntamientu de Mieres, que preside Diana González, informó güei de la convocatoria del XIX Premiu Teodoro Cuesta de Poesía, un prestixosu certame, con un palmarés nel que figuren dalgunos de los más destacaos nomes de la lliteratura n'asturianu.

El certame ta dirixíu a cualquier persona que presente un poemariu orixinal y inéditu en llingua asturiana. Resérvase un únicu premiu de 4.000 euros, contemplándose la posibilidá de que'l mesmu quede desiertu si asina lo decide'l xuráu.

Lleer el restu d'esta entrada

Los representantes del Partíu Popular de Mieres abandonaron güei la comisión informativa de Cultura ante la presentación per parte de la presidenta de la comisión, la edil Diana González, de dos espedientes n'asturianu, concretamente los relativos al premiu Teodoro Cuesta, de poesía, y a la entrega de premios del Memoria Silvino Argüelles.

Según esplicó la edil popular Elías Álvarez al traviés d'un comunicáu de prensa, "tres solicitar la traducción" d'estos documentos "al idioma oficial na comunidá autónoma asturiana, l'español", y de que la repuesta d'esti pidimientu fuere negativa, los miembros del PP abandonaron la comisión "al alcontrase en clara indefensión".

Lleer el restu d'esta entrada

La Plataforma Xuvenil de Turón tien abiertu’l plazu p’apuntase a un cursu d’asturianu hasta’l vienres 7 de payares. El cursín, de 36 hores y con venti places, ta organizáu pola Academia de la Llingua Asturiana, y va celebrase na Casa de la Mocedá, no que yera l'Atenéu vieyu.

El preciu ye de venti euros, incluyendo materiales. Les inscripciones han facese na Casa de la Mocedá o per teléfonu, nel númberu 985 43 01 78. L’ALLA entrega diploma d'asistencia al cursu a la fin del mesmu.

(d'Asturnews, 15-09-2009)

Los Conceyos de Mieres, L.lena, Avilés y Cangas del Narcea, van repartir ente los comercios d'estos conceyos bolses de papel recicláu nes que se llee la conseña: "¿Tú qué faes pa cuidar el mundu? Reduz, reutiliza, recicla". Trátase d'una iniciativa que busca la concienciación col cuidáu ambiental, al traviés de la sustitución de les bolses de plásticu poles que se tán distribuyendo.

Les conceyales mierenses de Cultura, Diana González, y Comerciu, Montserrat González, presentaron esta mañana la iniciativa nesti conceyu, enmarcada na campaña de promoción del usu del asturianu 2008-2009. Trátase d'un proyeutu col que se pretende, "al traviés de la llingua asturiana, tresmitir un mensaxe de concienciación sobre'l cuidáu del mediu ambiente, potenciando l'emplegu de bolses de papel recicláu", esplicó'l Conceyu nuna nota prensa.

Lleer el restu d'esta entrada

PABLO R. ALONSO

L’Academia de la Llingua Asturiana, en collaboración col Serviciu de Normalización Llingüística del conceyu de Mieres, va poner un cursu d’asturianu p’adultos que va constar de 36 hores llectives. El cursu ye de baldre y va entamar el 14 d’abril nel Colexu Públicu “Aniceto Sela”. L’horariu va ser martes y xueves de 17 a 19 hores.

P’apuntase hai que llamar al númberu de teléfonu 619810856.

(d'Asturies.com, 02-04-2009)

PABLO R. GUARDADO

A pesar de la bona acoyida del asturianu ente la población y de que l'idioma asoma de ralo en ralo ensin complexos na vía pública, la llingua d'Asturies nun acaba d'entrar nes grandes superficies y centros comerciales. La presencia del asturianu nellos ye testimonial en dalgunos casos y inexistente na mayoría, munches veces pola desidia de les direcciones d'estos centros, anque tamién tien que ver la inorancia de los sos cabezaleros. Nuna ronda de llamaes per estos establecimientos fecha por Les Noticies, más d'una vez se sintió la pallabra dialectu al referise al asturianu, lo que da bona cuenta d'esa actitú.

Lleer el restu d'esta entrada

La Conseyería de Cultura y Turismu ta desarrollando nestos meses una nueva campaña de normalización social de la llingua asturiana nel sector socioeconómicu. En concreto, l’oxetivu d’esta campaña ye’l comerciu, que la Conseyería considera “unu de los ámbitos más importantes nes rellaciones cola ciudadanía”. Dempués de dellos meses, los responsables consideren “un gran ésitu” la mesma, “con visibilidá curiosa nos establecimientos comerciales y con bien d’aceptación social”.

Lleer el restu d'esta entrada

RUBÉN ARDURA

El cantante turonés Alfredo González recibió ayeri'l Premiu al Meyor Cantar pol tema "La nada y tu". El premiáu recibió'l galardón nuna gala que se celebró ayeri en Mieres, na qu'actuaron los 5 finalistes d'esti premiu entamáu pola Conseyería de Cultura. Alfredo González, como ganador del premiu al meyor cantar, va representar a Asturies nel festival de cantares en llingües minorizaes Liet Ynternasjonaal 2009.

Lleer el restu d'esta entrada

El vienres 13 de febreru de 2009 publicáronse nel Boletín Oficial del Principáu d’Asturies (BOPA) los topónimos de los conceyos de Cangues d’Onís, Mieres y Sobrescobiu, talamente como foron aprobaos pol Conseyu de Gobiernu del Principáu d’Asturies na so sesión del 4 de febreru.

(de la Oficina de Política Llingüística, 13-02-2009)

Mieres va acoyer el próximu 21 de febreru la gala d'entrega del Premiu al 'Meyor Cantar Asturianu'. El ganador va representar a Asturies nel Festival Internacional de Llingües Minoritaries Europees, que va celebrase en Frisia esti añu.

Esti ye'l segundu añu siguíu, qu'esti conceyu va ser la sede d'esta cita, qu'organiza la Direición Xeneral de Política Llingüística del Principáu, cola que se persigue la puesta en valor de la música asturiana y que va celebrase nel Auditoriu de la Casa de la Cultura, el 21 de febreru, a les 19.00 hores.

Lleer el restu d'esta entrada