* ALARCOS LLORACH, E. (1958): “Topónimos en -ju”, BIDEA 35, p. 444-445.
* AMIEVA, C. (1964): “Notas folklóricas-geográficas sobre el pueblo de Barros (Llanes)”, BIDEA 53, p. 452-457.
* ARIAS, M.A. (1953): “Toponimia menor de Cornellana”, BIDEA 20, p. 603-610.
* ARIAS, M.A. (1960): “Toponimia menor del concejo de Salas”, BIDEA 40, p. 245-256.
* ARIAS, M.A. (1960): “Toponimia menor del concejo de Salas”, BIDEA 41, p. 462-470.
* BLANCO PIÑÁN, S. (1971): “Vocabulario toponímico de la parroquia de Meré (Llanes)”, BIDEA 74, p. 511-594.
* BOBES NAVES, Mª C. (1959): “De la toponimia astur. Nombres comunes y su cronología”, BIDEA 37, p. 180-194.
* CABAL, C. (1952): “Alrededor de un topónimo: El agua buena de Obona”, BIDEA 16, p. 299-301.
* ESCOBAR GARCÍA, F. (1974): “El topónimo Oviedo ¿es un teónimo?”, BIDEA 82, p. 375-400.
* FRIERA SUÁREZ, F. (1979): “El nombre de Sariego”, BIDEA 96-97, p. 237-255.

Lleer el restu d'esta entrada

I. G. F.

El catálogu urbanísticu de Llangréu recueye 326 construcciones como patrimoniu arquitectónicu del conceyu, polo que nun cuerren peligru de que les tiren embaxo o esbarrumben por tar en situación de ruina. D'estes construcciones preservaes, 138 tán na contornada rural y 188 nel urbanu. Nesti últimu ámbitu, la protección céntrase en construcciones de l'arquitectura popular. Asina, catalogáronse cases tradicionales, capiyes y otros elementos de valor etnográficu como horros, paneres, molinos o llagares. El catálogu urbanísticu tamién inclúi aquellos elementos que se declararon como Bienes d'Interés Cultural (BIC) y que munchos son del sieglu xvi. En cuantes a los edificios catalogaos como BIC, cinco pertenecen al distritu de Ciañu, como por exemplu la capiya de Nuestra Señora del Carbayu, el conxuntu de casona y torre de La Quintana o la Casa de los García Bernardo.

Esta última, tamién conocida como casa de los Alberti, construyóla nel sieglu xvii la familia Buelga y ye la casa solariega más vieya de Ciañu. L'edificiu declaróse BIC nel añu 1995 y remocicóse va poco gracies al llabor fechu polos alumnos de la Escuela Taller del FUCOMI (Fundación Comarques Mineres pa la Formación y Promoción del Empléu) y nella va llevase alantre ún de los proyectos más novedosos del país en materia de cultura asturiana: el Centru de la Cultura y la Llingua Asturiana.

Lleer el restu d'esta entrada

L'Academia de la Llingua Asturiana presenta mañana en Sama el manual Xeitu, "pal deprendimientu de la llingua asturiana, y que fai'l númberu 2 de la coleición 'Erbíes', según esplicó nun comunicáu la entidá.

Según el testu, Xeitu ye'l primer manual de llingua asturiana dirixíu dafechu a l'alfabetización d'adultos. Recueye non sólo gramática y exercicios sobre la llingua, sinón tamién testos d'estremáu carácter (lliterarios, rellacionaos cola llingua na cai, cola cultura tradiciona...) que s'axusten a les demandes del alumnáu de los cursos d'asturianu p'adultos.

Lleer el restu d'esta entrada

La Xunta pola Defensa de la Llingua Asturiana acusó güei al colexu concertáu Beata Imelda de La Felguera d'impidir "con mentires y incumplimientos llegales la matriculación na asignatura de Llingua Asturiana", nesti casu dando a elixir na matrícula ente esta materia y la d'Informática.

Al traviés d'un comunicáu al que tuvo accesu Europa Press, la Xunta denunciólo como "otru casu nuevu d'ataque a la escolarización de la llingua asturiana y a los derechos llingüísticos y educativos de los escolinos y escolines". La organización afirmó que supón "una violación descarada de la llexislación vixente que ye clara a la hora d'afitar la imposibilidá de que l'asignatura d'asturianu compita con otres asignatures na educación primaria".

Lleer el restu d'esta entrada

Esti miércoles 24 de setiembre, la Oficina Municipal de la Llingua del Conceyu de Xixón presentó l’axenda escolar 2008/2009, dedicada esti añu a la lliteratura, y la carpeta didáutica “N’asturiano queda guapo”, un primer vocabulariu básicu pa los más pequeños. Nel actu, que tuvo llugar a les 13 hores nel Salón de Receiciones de la Casa Conceyu, tuvieron presentes el Conceyal de Política Llingüística, D. Jesús Montes Estrada, la Responsable de la Oficina Municipal de la Llingua, Mª Xosé Rodríguez López y direutores d’escueles de 0 a 3 años y d’Institutos de Secundaria de Xixón.

Lleer el restu d'esta entrada

Redacción.

L’Academia de la Llingua Asturiana y el Conceyu de Llangréu firmen güei un conveniu “col envís de contribuir a la normalización social del usu del asturianu nel conceyu de Llangréu, y especialmente nel de la so alministración local”. La firma va ser güei y va cuntar cola presencia d’Esther Díaz García, Alcaldesa de Llangréu, y Ana María Cano González, Presidenta de l’Academia de la Llingua Asturiana, que roblarán esti documentu nun actu que va tener llugar a les 13:30 hores nel Salón de Plenos de la Casa’l Conceyu.

La firma d’esti conveniu de collaboración aprobóse por unanimidá de tolos grupos políticos del conceyu en comisión de Cultura, Turismu y Política Llingüística pa dempués recibir tamién el preste en Xunta Gobiernu del conceyu de fecha 22 de xineru de 2008.

Ayuntamientu y Academia comprométense asina a collaborar en materia de normalización social del asturianu cola puesta en marcha de midíes afayadices qu’aseguren el respetu de los derechos llingüísticos de tolos ciudadanos y ciudadanes del conceyu. L’Ayuntamientu de Llangréu, dicen los sos responsables “sigue faciendo apueste pola normalización de la Llingua Asturiana y pola consideración de la institución como axente dinamizador del procesu de normalización y promoción del usu del asturianu nel ámbitu del conceyu”.

(d'Asturnews, 13-02-2008)

Redacción.

L’Ayuntamientu de Llangréu, al traviés del Área de Política Llingüística, ufierta dos cursos de llingua asturiana. Los cursos, ún d’aniciu y otru d’afondamientu, van empezar a dase’l día 12 de payares y acabarán pa mediaos d’avientu. Estos cursos de llingua asturiana qu’ufierta l’Ayuntamientu de Llangréu van ponese na Casa la Cultura de Sama y van tener llugar los llunes, martes y xueves n’horariu de 19:00 a 21:00 hores.

Los cursos son de baldre y tienen un llargor de 30 hores, les persones qu’asistan y superen los cursos recibirán el so correspondiente certificáu acreditativu. P’apuntate a los cursos o pa pidir más información sobre ellos pues facelos llamando al Serviciu de Normalización Llingüística del Ayuntamientu de Llangréu (tfnu: 985678158) o mandando un corréu electrónicu a llingua@ayto-langreo.es

(d'Asturnews, 09-11-2007)