Faceira ye una publicación electrónica orientada a la investigación y a la divulgación del patrimoniu cultural del Reinu de Llión en tódolos sous ámbitos, y a la creación Iliteraria n’asturllionés. Queremos que l’asturllionés, que conforma una parte importante y querida de la nuesa cultura inmaterial y espiritual, seya’l vehículu preferente d’espresión pa los trabayos qu’apaezan eiquí ya qu’entendemos que la meyor forma de fomentar la llingua ye empreala. La revista naz tamién cola voluntá de sirvir de puntu d’alcuentru pal nuesu dominiu llingüísticu col fin d’estreitar llazos colos territorios vecinos colos que compartimos un vieyu y venerable raigón que nun podemos esqueicer. Outramiente Faceira ta abierta a la participación de xente interesada con collaboraciones referidas al patrimoniu natural, inmaterial, arquitectónicu, llingüísticu, musical y etnográflcu de la nuesa tierra.

Lleer el restu d'esta entrada

La xornada de güei, miércoles, va abrila a les cuatro y media, el profesor Vicente J. Marcet Rodríguez de la Universidá de Jaén, con “La representación de las sibilantes en la documentación notarial leonesa en el paso del latín al romance”, siguiendo darréu Miguel Ramos Corrada con “La poesía asturiana a xuiciu del modernismu” y Xuan Santori Vázquez-Azpiri con “La lliteratura de les escritores asturianes. Perspectives d’un trabayu d’investigación sociollingüística”, a la que va siguir un alderique.

Lleer el restu d'esta entrada

I.G.

Pa un asturianu dalgo choca nesta frase. Sicasí, pa dellos pueblos nórdicos ye daqué de lo más normal. Asina adaptaron los misioneros unviaos a estes zones los testos sagraos cristianos, p’acerca-yos la fe a les poblaciones que nun conocíen los corderos y sí a esti otru animal.

Lleer el restu d'esta entrada

Güei, martes 4 de payares l’Academia va inaugurar na Facultá de Filoloxía d’Uviéu la edición XVIII de les sos Xornaes Internacionales d’Estudiu. Les xornaes van entamar a les 16:45 cola ponencia de Fernando Sánchez Miret “La hipótesis de la diptongación asturiana ante yod y wau a la luz de la Romanística” pa sentir darréu a Clara E. Prieto Entrialgo col so estudiu “Reflexones sobre la marcación preposicional del OD n’asturianu. Dellos datos medievales”.

Lleer el restu d'esta entrada

ANTÓN GARCÍA

Ente'l rebumbiu que se forma porque l'Ayuntamientu d'Uviéu dexe de patrocinar el premiu «Tigre Juan» de novela pasa desapercibida la noticia de que tampoco van volver a convocase los «Uviéu» de narraciones, poesía y teatru. Lo del «Tigre Juan» podía esperase, porque los sucesivos cambios nes bases de la so convocatoria (de premiu a llibru inéditu pasó a premiar obra publicada, volvió a la inédita...) anunciaben que dalgo nun diba bien. Pero, contra lo que se diga, nin nos meyores tiempos del premiu tuvo una gran proxección mediática o popular. Na primer etapa llogró facese un nome n'Asturies y sonar bien ente los escritores españoles que se movíen alredor de Juan Benito Argüelles y lo que terminaría siendo Tribuna Ciudadana. Tuvo grandes aciertos lliterarios, con poca incidencia ente'l públicu. Por exemplu, la obra de Luis Sepúlveda que ganó en 1988, cuando esti escritor yera un desconocíu, «Un viejo que leía novelas de amor», durmió'l suenu de los xustos nos almacenes de Silverio Cañada hasta que Sepúlveda rescató los derechos pa editala comercialmente: pa convertise nun gran éxitu tuvo que desprendese del premiu. Ente 1990 y 2004, na segunda etapa del «Tigre Juan», cuando se daba a la primer obra publicada d'un escritor, llogró resistir bastante bien les presiones editoriales y mantenese como un premiu independiente, contando ente los sos ganadores a escritores mozos qu'empezaben a despuntar. Depués de trenta años convocándose, el «Tigre Juan» yera un premiu bien dignu, ye verdá que con una traxectoria cambiante que lu fexo quedar en tierra de naide, pero nun merecía morrer.

Lleer el restu d'esta entrada

El viernes día 30 de octubre se fallaron en Barcia los premios del VI Certamen de Poesía “Nené Losada Rico” que convoca la Asociación de Mujeres Valdés Siglo XXI.

A esta edición se han presentado un total de 57 poemarios - 46 escritos en castellano y 11 en asturiano - procedentes de Albacete, Alicante, Almería, Asturias, Badajoz, Barcelona, Bilbao, Cáceres, Castellón, Ciudad Real, Córdoba, Cuenca, Guipúzcoa, Jaén, Logroño, Madrid, Málaga, Murcia, Navarra, Orense, Sevilla, Valladolid, Valencia, y Berlín (Alemania)

Lleer el restu d'esta entrada

El Centru Asturianu de Madrid ta acabante espublizar nun volume les dos obres ganadores del VII Concursu de Rellatu Curtiu n’Asturianu Xosé Álvarez que convoca esta entidá anualmente. Nel llibru recuéyense los rellatos «Ferre o palomba» (ganador), del maliayu Lluis Portal Hevia, y «L’Abadía» (accésit), del xixonés Pablo Rodríguez Alonso.

Lleer el restu d'esta entrada

El númberu 101 de la revista Lletres Asturians, que publica l'Academia de la Llingua Asturiana, dedica bona parte de la so estensión a analizar diversos aspectos sintácticos, gráficos y de vocabulariu del lleonés y l'asturllonés medieval, amás d'otros temes d'estudiu, como la meteoroloxía popular da zona de Cabu Peñes.

El númberu presentólu güei Miguel Ramos Corrada, vicepresidente de l'Academia, demientres la rueda prensa de convocatoria oficial de les Xornaes d'Estudiu de la Llingua, que se desarrollarán la próxima selmana.

Lleer el restu d'esta entrada

Col envís d'editar un llibru-cartafueyu qu'antologue la lliteratura n'asturianu que se ta escribiendo anguaño na Comarca de la Sidra, el Serviciu de Normalización Llingüística de la Mancomunidá convida a tolos escritores de la comarca interesaos en participar a unviar les sos participaciones en forma de poesía (con una estensión perbaxo de los 100 versos) o rellatu breve (trés fueyes como máximu). Les collaboraciones han enviase per meil a normastur@lacomarcadelasidra.com, o bien per correu al Serviciu de Normalización Llingüística MAN.CO.SI. Paraes, nº47 33529.

(d'El Solanu, 27-10-2009)

David Artime Coto (Candás) y Carlota Fernández-Escandón Vázquez (Xixón) son los dos ganadores de la quinta edición del concursu lliterariu de microrrelatos 'Minimorum', que tolos años convoca'l periódicu asturianu La Voz de Asturias, en collaboración cola Conseyería de Cultura del Principáu d'Asturies.

La decisión del xuráu, que tamién reconoció dos segundos premios pa Mauricio Díaz Rodríguez (Uviéu) n'asturianu, y Rafael Sánchez Avello (Uviéu) en castellán, publicólu güei esti diariu nes sos páxines de la estaya de cultura.

Lleer el restu d'esta entrada