GONZALO BENGOA

El telón en el teatro Prendes de Candás se cerró anoche, tras doce días seguidos de teatro asturiano. El broche final al XIX Salón de teatro costumbrista asturiano, que patrocina La Nueva España y que ha destacado por la alta afluencia, se realizaría con la puesta en escena de «Tan Repetíos», de José Ramón Oliva, a cargo del grupo de teatro «Rosario Trabanco». Pero antes estaba prevista la entrega de los séptimos premios «Aurora», que pretenden recompensar toda una trayectoria a favor del teatro costumbrista asturiano. Llevan el nombre de Aurora Sánchez, gran dama del teatro asturiano y madre de Eladio Sánchez, director de la «Compañía Asturiana de Comedias».

Lleer el restu d'esta entrada

Ábrese’l plazu pa presentase al “Tercer Certame de Curtios en Llingua Asturiana de la Mancomunidá d’El Cabu Peñes”, que ganó na so segunda edición el cineasta Pablo A. Quiroga Prendes, col so trabayu “Tres Versiones”, l’oxetu ye facer un curtiu en Llingua Asturiana (de temática llibre) con un llargor d’unos quince minutos.

Lleer el restu d'esta entrada

L’Academia de la Llingua Asturiana ta acabante publicar tres cartafueyos nuevos de la so colección dedicada a estudiar y recuperar la toponimia tradicional asturiana. Nesta ocasión, estos tres númberos (124, 125 y 126) tán centraos nel conceyu de Carreño, concretamente nes parroquies de Carrió, Prevera y El Pieloro. Los sos autores son dos filólogos mozos del mesmu conceyu de Carreño: David Fernández Fernández y Xurde Fernández Fernández, esti últimu escritor de llibros de rellatos como Volver o de noveles como La espera. Nes páxines d’estos exemplares nuevos de Toponimia alcontramos los nomes de los llugares que marquen la xeografía d’eses tres parroquies.

Lleer el restu d'esta entrada

L’Academia de la Llingua Asturiana ta organizando pa los conceyos de Carreño y Gozón – xunto col Serviciu de Normalización Llingüística de la Mancomunidá d’El Cabu Peñes - un cursu d’alfabetización en llingua asturiana p’adultos.

Ye ésti un cursu d’aniciu que tien l’enfotu cimeru de facer llegar estos conceyos, al traviés de les sos asociaciones y pa toos aquellos interesaos, el deprendimientu básicu de la llingua. Con un llargor de 36 hores, l’horariu y repartu de les hores van concretase cola xente interesao, quedando pa ello unos díes enantes del mesmu y intentando igualu de la manera más afayadiza pa tola xente, según espliquen los organizadores.

Lleer el restu d'esta entrada

(de la TPA, 21-03-2009, vía Yetube)

La Conseyería de Cultura y Turismu ta desarrollando nestos meses una nueva campaña de normalización social de la llingua asturiana nel sector socioeconómicu. En concreto, l’oxetivu d’esta campaña ye’l comerciu, que la Conseyería considera “unu de los ámbitos más importantes nes rellaciones cola ciudadanía”. Dempués de dellos meses, los responsables consideren “un gran ésitu” la mesma, “con visibilidá curiosa nos establecimientos comerciales y con bien d’aceptación social”.

Lleer el restu d'esta entrada

Un videu del cineasta de Carreño Pablo A. Quiroga Prendes tituláu "Tres Versiones" y rodáu nes mesmes tierres qu'abelluguen la xente de los conceyos de Carreño y Gozón, ganó'l segundu "Certame de Vídeos en Llingua Asturiana de la Mancomunidá d'El Cabu Peñes".

A diferiencia del añu pasáu, onde'l megollu del trabayu tenía de basase na promoción turística de los dos conceyos, esti añu enancháronse les posibilidaes temátiques pa ufrir un abanicu más ampliu de posibilidaes pidiendo una temática llibre onde tenía de rescamplar, ente otres coses, la orixinalidá y el conteníu llingüísticu y d'usu del asturianu como llingua vehicular.

(d'Asturies.com, 14-01-2009)

El sistema operativu de software llibre Ubuntu yá pue intalase en llingua asturiana. El colectivu Softastur realizó una traducción que yá ta disponible na páxina 'web' de GNU/Linux, dende la que pue descargase y ponese en serviciu.

Asina lo confirmó Mikel González, ún de los miembros de l'asociación. El colectivu prepara pal próximu vienres en Candás una 'Install Party', un alcuentru con usuarios pa esplica-yos cómo puen instalar el sitema nos sos ordenadores portátiles. L'actu va tener llugar de magar les 17.00 hores nel Centru Polivalente de Candás, precisamente un día dempués de la presentación de la quinta versión del sistema Ubuntu. Dao que s'estableció un máximu de diez places, los interesaos tienen de facer la so reserva unviando un email a ubuntizate@softastur.org.

Lleer el restu d'esta entrada

La Mancomunidá d'El Cabu Peñes vieno acabante convocar el II Certame de Curtios n'asturinu col oxetu de facer un curtiu en Llingua Asturiana (de temática llibre) con un llargor d’unos quince minutos recoyendo amás una referencia de la propia Mancomunidá y del Serviciu de Normalización Llingüística, asina como de la Conseyería de Cultura y Turismu como muérganos o entidaes qu’entamen y/o sofiten esti certame.

La entrega de la documentación pue facese en mano (nes oficines de la Mancomunidá con señes: C/Braulio Busto, 2 – 2u, 33430 Candás – Carreño; tfnu. 985872421, n’horariu d’atención al públicu de 9:00 a 14:00 hores), por persona interpuesta, o per corréu certificáu y con acuse recibu (paquete postal exprés), en tal casu tien de remitise per fax al nu 985 87 25 22, dientro del plazu presentación, el resguardu del mentáu unviu.

Lleer el restu d'esta entrada

La Mancomunidá d’El Cabu Peñes, informó ayeri al traviés del so Serviciu de Normalización Llingüística, de dos nueves campañes en llingua asturiana, una al rodiu les sos fiestes y festivales y otra empobinada a los neños y neñes de 0 a 3 años. Les campañes tán coordinaes dende la REDE y sofitaes pola Conseyería de Cultura y Turismu del Principáu d’Asturies.

La primer campaña, “De mariaxe peles nuestres tierres” ye “un convite a les nuestres fiestes: momentos de charres y allegríes, de música y dances, de gocie de bones comíes y compañes; y too añerao pola meyor de les regaces: la mar”. Apúrrese tamién un vocabulariu de pexe y mariscu en tres llingües y una tabla marees pa los meses de branu y que col eslogan “Ensin pone-y portielles a la mar”, quier dar la bienvenida a tol que visita estes tierres.

Per otru llau, la campaña “Medrando n’asturianu” cuenta con un material bien prestoso que consiste nuna carpeta con testos de xuegos y que contién: un baberu, un mididor, una pegatina pal coche y una ficha con una añada y vocabulariu afayadizu. Y ye qu’asina como recueye la campaña na so carta presentación: “El mundu ye guapu porque ye diversu y reconocer esa diversidá y valorala fainos meyores persones”. Esti ye’l megollu d’esta campaña dirixida a lo más “piquiñino” de la casa.

(d'Asturnews, 25-07-2008)