Los díes 5 y 6 de xunu la Conseyería d’Educación y Ciencia del Principáu d’Asturies y el Centru del Profesoráu y de Recursos (CPR) d’Avilés, entamen la I Sestaferia del Profesoráu en Llingua Asturiana (Xornaes de desarrollu curricular y didácticu). Nel trescursu d’ella van entamase delles ponencies y alderiques sobre’l proyectu llingüísticu de centru y la concreción de los currículos de Llingua Asturiana tanto de Primaria y Secundaria como’l posible tratamientu d’esti idioma na Educación Infantil y na enseñanza de persones adultes. Amás d’eso van tratase tamién delles cuestiones metodolóxiques teóriques y práctiques sobre l’usu de les tecnoloxíes nueves nes clases d’asturianu, aparte del análisis de ferramientes didáctiques pa trabayar tolos aspectos de la materia: la lliteratura en prosa y versu, el cómic, el cine, la música, etc.

Lleer el restu d'esta entrada

Los Conceyos de Mieres, L.lena, Avilés y Cangas del Narcea, van repartir ente los comercios d'estos conceyos bolses de papel recicláu nes que se llee la conseña: "¿Tú qué faes pa cuidar el mundu? Reduz, reutiliza, recicla". Trátase d'una iniciativa que busca la concienciación col cuidáu ambiental, al traviés de la sustitución de les bolses de plásticu poles que se tán distribuyendo.

Les conceyales mierenses de Cultura, Diana González, y Comerciu, Montserrat González, presentaron esta mañana la iniciativa nesti conceyu, enmarcada na campaña de promoción del usu del asturianu 2008-2009. Trátase d'un proyeutu col que se pretende, "al traviés de la llingua asturiana, tresmitir un mensaxe de concienciación sobre'l cuidáu del mediu ambiente, potenciando l'emplegu de bolses de papel recicláu", esplicó'l Conceyu nuna nota prensa.

Lleer el restu d'esta entrada

XOSÉ LLUIS CAMPAL FERNÁNDEZ

La copiosa produición, en versu y prosa, en castellán y asturianu, del cronista oficial d'Avilés Xulio García F.-Quevedo, que firmaba cásique siempres como Y***, nunca nun l'atropó'l so autor en vida -morrió na Villa l'Adelantáu un miércoles 30 de xineru de 1957-, y güei namái cuntamos con dos entregues publicaes nos caberos años: el cartafueyu 'Poemes (1918-1919)' (1998) y el llibru antolóxicu 'Poesía (1911-1952)' (2002).

Lleer el restu d'esta entrada

La Comisión de Cultura del Conceyu d'Avilés aprobó güei'l dictame de la toponimia de les sos seis parroquies, pueblos, aldees y barrios que de magar agora va considerase oficial. El documentu inclúi la reconocencia de la siguiente denominación pa les sos seis parroquies: Avilés, Miranda, San Cristóbano o San Cristóbal d'Entreviñas, San Xuan de Nieva, Navarro o Valliniello y La Madalena o Corros.

Lleer el restu d'esta entrada

RAFA BALBUENA

La sexta edición de las Xuntes d'Escolinos del Ayuntamiento de Avilés se celebra entre ayer y hoy en la Casa de Cultura, reuniendo a un total de seiscientos alumnos de los centros educativos de la comarca. El concejal de Cultura, Román Antonio Álvarez, manifestó su satisfacción ante «un evento consolidado, que es muy positivo de cara a la conservación y defensa del asturiano entre los escolares, quizá el público más receptivo a mantener la lengua viva, sin complejos ni cortapisas».

Lleer el restu d'esta entrada

XOSÉ LLUÍS CAMPAL FERNÁNDEZ

Hai un sieglu, corría'l branu de 1909, el direutor del rotativu cubanu 'Diario de la Marina', Colás Rivero y Muñiz, tuvo n'Asturies tomando les agües en Caldas, circunstancia de la que charon mano un piñu d'avilesinos (formaben la comisión José María González, Antonio Pumariega, Eugenio Sánchez, Adolfo González, Agapito Miranda, Ramón López, Celestino García y José Antonio Suárez) pa festeyar al periodista maliayu con un banquete nel Casinu de la Villa l'Adelantáu, una iniciativa pa la que se recibieren adhesiones a mamplén.

Lleer el restu d'esta entrada

PABLO R. GUARDADO

A pesar de la bona acoyida del asturianu ente la población y de que l'idioma asoma de ralo en ralo ensin complexos na vía pública, la llingua d'Asturies nun acaba d'entrar nes grandes superficies y centros comerciales. La presencia del asturianu nellos ye testimonial en dalgunos casos y inexistente na mayoría, munches veces pola desidia de les direcciones d'estos centros, anque tamién tien que ver la inorancia de los sos cabezaleros. Nuna ronda de llamaes per estos establecimientos fecha por Les Noticies, más d'una vez se sintió la pallabra dialectu al referise al asturianu, lo que da bona cuenta d'esa actitú.

Lleer el restu d'esta entrada

La Conseyería de Cultura y Turismu ta desarrollando nestos meses una nueva campaña de normalización social de la llingua asturiana nel sector socioeconómicu. En concreto, l’oxetivu d’esta campaña ye’l comerciu, que la Conseyería considera “unu de los ámbitos más importantes nes rellaciones cola ciudadanía”. Dempués de dellos meses, los responsables consideren “un gran ésitu” la mesma, “con visibilidá curiosa nos establecimientos comerciales y con bien d’aceptación social”.

Lleer el restu d'esta entrada

XOSÉ LLUIS CAMPAL FERNÁNDEZ

Con motivu d'una visita xirada pol Obispu uvieín a la ciudá d'Avilés na primer quincena del mes de xunu de 1910, concretamente'l xueves 9, el Círculu Católicu de la localidá entamó una velada artística. Nella, l'actor Gerardo Solís non sólo encarnó un personaxe na comedia 'Salvarse en una tabla', sinón qu'encadarmó una composición poética que lleó'l mesmu autor nel actu y foi, tres díes depués (domingu 12), asoleyada en La Voz de Avilés cuando'l preláu marchaba pa Muros y Cuideiru a siguir col so recorríu pastoral.

El cenciellu saludu en versos asonantaos de Solís orquéstase en cuatro apartaos, siendo los qu'anicien y tranquen los dedicaos a dar la bienvenía, amosar el ñudu que se-y fai nel gargüelu al improvisáu vate énte la responsabilidá del actu y ufiérta-y'l correspondiente agasayu final en forma de vítor.

Lleer el restu d'esta entrada

V. DÍAZ PEÑAS

Si la cultura tradicional que se transmite oralmente no queda plasmada y recogida en algún lugar llega a desaparecer junto a las personas que la usan. Así al menos lo entiende Álvaro Valdés Díaz, un moscón que presentó esta semana un libro sobre el bron, una jerga utilizada en la parroquia de San Juan de Villapañada. El libro, publicado por ediciones La Cruz de Grado, recoge más de mil palabras utilizadas en esta jerga y es además un recorrido por la historia y la cultura de San Juan, pueblo natal del autor.

Como explica Valdés, la idea de estudiar y dejar patente la existencia del bron en San Juan nace en el año 2002, fecha en la que José Manuel Feito organiza unas conferencias sobre las lenguas gremiales en Avilés. En estas jornadas, el moscón participó hablando del bron, una lengua gremial utilizada por los caldereros del barrio avilesino de Miranda, pero que también fue utilizada en la parroquia moscona. Más tarde llegaron los trabajos de campo y las constantes investigaciones sobre el tema, hasta que finalmente pudo ver publicado el libro.

Lleer el restu d'esta entrada